នាថ្ងៃទី១៤ ខែកញ្ញា លោក Tharman
Shanmugaratnam បានស្បថចូលកាន់តំណែង ហើយក្លាយជាប្រធានាធិបតីទី ៩
របស់សិង្ហបុរីជាផ្លូវការ
ប្រហែលពីរសប្តាហ៍បន្ទាប់ពីបានឈ្នះការបោះឆ្នោតប្រធានាធិបតីនាថ្ងៃទី១ ខែកញ្ញា។
ក្នុងសន្ទរកថាទទួលតំណែង លោក Tharman បានសម្តែងនូវកិត្តិយសនៅពេលដែលប្រជាជនបានបោះឆ្នោតជ្រើសតាំងជាប្រធានាធិបតី។
ដោយមានការជឿទុកចិត្តពីប្រជាជនដែលប្រគល់ជូន លោក នឹងសហការជាមួយរាជរដ្ឋាភិបាល
ក្រុមសហគមន៍ ក៏ដូចជាប្រទេសជាតិទាំងមូល ដើម្បីពង្រឹងពហុជាតិនិយម
និងកសាងសង្គមប្រកបដោយសមាហរណកម្មជាង ព្រមទាំងធ្វើឲ្យស៊ីជម្រៅថែមទៀតនូវទំនាក់ទំនងសហប្រតិបត្តិការរវាងសិង្ហបុរី
និងសហគមន៍អន្តរជាតិ។
លោក Tharman
Shanmugaratnam អាយុ ៦៦ឆ្នាំ ជាសេដ្ឋកិច្ចវិទូ
ហើយជាអ្នកនយោបាយសិង្ហបុរីមួយរូប។ លោកធ្លាប់ជាឧបនាយករដ្ឋមន្ត្រីពីឆ្នាំ ២០១១
ដល់ឆ្នាំ ២០១៩ និងជាទេសរដ្ឋមន្ត្រីក្នុងរាជរដ្ឋាភិបាលពីឆ្នាំ ២០១៩ ដល់ឆ្នាំ ២០២៣។
លោក Tharman មានបទពិសោធន៍ច្រើនក្នុងភាពជាអ្នកដឹកនាំ
ជំនាញហិរញ្ញវត្ថុ និងទំនាក់ទំនងអន្តរជាតិ៕
