អញ្ជើញថ្លែងនៅក្នុងជំនួបនេះ លោកប្រធានរដ្ឋ Nguyen Xuan Phuc បានស្នើឲ្យសម្ព័ន្ធក្រុមហ៊ុនឥណ្ឌានានាបន្តមកវិនិយោគនៅវៀតណាម លើវីស័យដូចជា៖ បច្ចេកវិទ្យាកែច្នៃ ពត៌មានវិទ្យា ថាមពលបៃតង កសិកម្មបច្ចេកវិទ្យាខ្ពស់ និងអភិវឌ្ឍន៍ហេដ្ឋារចនាសម្ព័ន្ធ។ លោកប្រធានរដ្ឋបានសង្កត់ធ្ងន់ថា វៀតណាមគាំទ្រគោលនយោបាយ “ធ្វើសកម្មភាពឆ្ពោះទៅទិសខាងកើត” ហើយមានគោលបំណងថាឥណ្ដាបន្តគាំទ្រគោលជំហរបស់អាស៊ាន និងវៀតណាមអំពីសមុទ្រខាងកើត ធានាសេរីភាពនាវាចរណ៍ អាកាសចរណ៍ ដោះស្រាយជម្លោះដោយសន្តិវិធីតាមច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ១៩៨២។

ជាការឆ្លើយតប លោកឯកអគ្គរដ្ឋទូត Pranay Verma បានសង្កត់ធ្ងន់ថា៖ ថ្នាក់ដឹកនាំជាន់ខ្ពស់ឥណ្ឌាវាយតម្លៃខ្ពស់ចំពោះទំនាក់ទំនងជាមួយវៀតណាម។ លោកឯកអគ្គរដ្ឋទូតឥណ្ឌាបានចាត់ទុកថា ប្រទេសទាំងពីរចាំបាច់ត្រូវបន្តជំរុញទំនាក់ទំនងឱ្យកាន់តែខ្លាំងក្លាថែមទៀតលើគ្រប់វិស័យហើយចែករំលែកតម្លៃរួមក្នុងបំណងប្រាថ្នាអភិវឌ្ឍន៍ ទាញយកឱកាស ពង្រីកសក្តានុពល បង្កើនការជួបប្រាស្រ័យរវាងប្រជាជន ដើម្បីទទួលបានសមិទ្ធិផលជាច្រើន និងកាន់តែវិបុលភាពនាពេលខាងមុខផងដែរ៕