• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រទេសវៀតណាមមានសមត្ថភាពគ្រប់គ្រាន់ក្នុងការគ្រប់គ្រងជំងឺរាតត្បាត


 ទិដ្ឋភាពនៃកិច្ចប្រជុំ (រូបថតៈ VGP)
 

អញ្ជើញថ្លែងមតិនៅសម័យប្រជុំប្រចាំរបស់រដ្ឋាភិបាល នាថ្ងៃទី ៩ ខែមិនា នៅទីក្រុងហាណូយ ស្តីពី​ការបង្ការ​និង​ទប់​ស្កាត់​ការរាតត្បាត Covid-19 នោះ  លោកនាយករដ្ឋមន្រ្តី Nguyen Xuan Phuc បានសង្កត់​ធ្ងន់​លើសារ​ដែល​ថា​ វៀត​ណាមមានគ្រប់សមត្ថភាព  គ្រប់ប្រភពកម្លាំង​ ស្មារតីមោះមុតនិងបទពិសោធន៍ ដើម្បីគ្រ​ប់គ្រង ជំងឹ​រាត​ត្បាត​ Covid-19។
 
លោកនាយក​រដ្ឋមន្រ្តី Nguyen Xuan Phuc ក៏បានក្រើនរំលឹកប្រជាជន គួរតែនឹងនរចិត្ត  កុំតក់ស្លុតនិង​កុំបារម្ភ​អោយ​សោះ ព្រោះរដ្ឋាភិបាលបានត្រៀមជាស្រេច សម្រាប់គ្រប់ស្ថានភាពនៃការរាតត្បាតនេះ។ ភស្ដុ តាងគឺថា ទោះ​បីមានអ្នកឆ្លង Covid-19 ចំនួន ៣០នាក់ក៏ដោយ ប៉ុន្តែយើងបាន​ព្យាបាលជាសះស្បើយ​សម្រាប់​មនុស្ស ​១៦ នាក់ ក្នុងនោះមានអ្នកជំងឺមកពីទីក្រុង Wuhan (ប្រទេសចិន) ផងដែរ។
 
លោក Nguyen Xuan Phuc អញ្ជើញមានប្រសាសន៍ថា៖  “ការប្រយុទ្ធប្រឆាំង​នឹងជំងឺរាតត្បាត​ដូចជាការ​ប្រឆាំង​នឹង​សត្រូវ​អញ្ចឹង។ រដ្ឋាភិបាលតែងតែក្តាប់ជាប់គ្រប់ស្ថានការណ៍ជាបន្ទាន់ ដោយមានផែនការនិង​សេណា​រីយ៉ូ​សកម្ម ​ដោយមានការសម្របសម្រួលយ៉ាងជិតស្និទ្ធរវាងរ​ដ្ឋាភិបាលមូលដ្ឋាន ជាមួយគណៈកម្មា​ ធិការជាតិ​ដឹកនាំការ​​បង្ការ ប្រយុទ្ធនឹងការរាតត្បាត   ពោលគឺ ត្រៀមជាស្រេច លះបង់ប្រយោជន៍សេដ្ឋកិច្ច ដើម្បីការពារ​សុខ​ភាព​ប្រជាជនបានល្អបំផុត។ សូមជម្រាបថា ប្រទេសវៀតណាមមានគ្រប់សមត្ថភាព គ្រប់ប្រភពធនធាន ស្មារតីមោះ​មុត​និងបទពិសោធន៍ក្នុងការគ្រប់គ្រងជំងឺ ដោយអះអាងថា សុខភាពរបស់ប្រជាជន​គឺ​សំខាន់​បំផុត”​។

 

លោកនាយករដ្ឋមន្រ្តីបានបញ្ជាណែនាំអោយក្រសួង ស្ថាប័ននានា ត្រូវរៀបចំផែនការឱ្យបានល្អដើម្បីធានាថា ក្នុង​កាលៈទេសៈណា ក៏អាចចាត់ចែងបានដែរ។  ម្យ៉ាងវិញទៀត ក្រសួងព័ត៌មាននិងផ្សព្វផ្សាយ ត្រូវផ្តល់​ព័ត៌មាន​ឱ្យទាន់​ពេលវេលា តម្លាភាពនិងត្រឹមត្រូវ។ ទន្ទឹមជាមួយគ្នានោះ ចាត់ការអោយបានជាដាច់ខាត នូវ​ព័ត៌មាន​​មិនពិតនិងការបំភាន់បង្កឱ្យមានផលវិបាកដល់សង្គម។ ជាពិសេស ត្រូវធានាបាននូវ​ទំនិញប្រើប្រាស់​ចាំបាច់​ ក្នុងនោះផ្តោតសំខាន់លើចំណីអាហារ ថ្នាំសង្កូវនិងមធ្យោបាយផ្សេងៗទៀត ដើម្បីបំពេញ​តាម​សេចក្តី​ត្រូវការ​របស់​ប្រជាជន។
 
លោក​នាយករដ្ឋមន្រ្តីក៏បានយល់ព្រមតាមសំណើរបស់គណៈកម្មាធិការជាតិដឹកនាំការបង្ការ និង​ប្រយុទ្ធ​ជាមួយ​ជំងឺរាត​ត្បាត ស្តីពីការមិនរៀបចំការប្រជុំ ដែលមិនចាំបាច់។ យល់ព្រមតាមសំណើរបស់ក្រសួងសុខាភិបាល ក្នុងការ​អនុញ្ញាតិឱ្យចេញ សម្រេចចិត្តដើម្បីកំណត់ការផ្តល់អាជ្ញាប័ណ្ណនាំចេញសម្រាប់ម៉ាសវេជ្ជសាស្រ្ត ក្នុង​ដំណើការ​ប្រយុទ្ធប្រឆាំងនឹងជំងឺ។ ទាក់ទងនឹងសន្និសីទការបរទេសសំខាន់ៗ លោកនាយករដ្ឋមន្រ្តី​បាន​ចាត់​ឱ្យក្រសួង​ការបរទេស​ពិចារណានិងរាយការណ៍ជម្រាបជូននាយករដ្ឋមន្រ្តី៕

 

តាម​ VOV5 - វិទ្យុសំឡេង​វៀតណាម

ជំរុញសហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា នៅក្នុងបរិបទសេដ្ឋកិច្ចឌីជីថល

ជំរុញសហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា នៅក្នុងបរិបទសេដ្ឋកិច្ចឌីជីថល

នៅថ្ងៃទី២០ ខែកញ្ញា ឆ្នាំ២០២៣ នៅទីក្រុងហូជីមិញ វិទ្យាស្ថានបណ្ឌិតសភាវិទ្យាសាស្រ្តសង្គមវៀតណាម (VASS) សហប្រតិបត្តិការជាមួយនឹងវិទ្យាស្ថានបណ្ឌិតសភាកម្ពុជា (RAC) រៀបចំសិក្ខាសាលាអន្តរជាតិក្រោមប្រធានបទ៖ “សហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា ក្នុងបរិបទសេដ្ឋកិច្ចឌីជីថល”។ សិក្ខាសាលាទាក់ទាញអ្នកតំណាងជាថ្នាក់ដឹកនៃអ្នកឯកទេស អ្នកវិទ្យាសាស្រ្ត អ្នកគ្រប់គ្រង ស្ថាប័នការទូតជាង១០០នាក់ អញ្ជើញមកចូលរួម។

Top