• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រទេសវៀតណាមចូលរួមកិច្ចប្រជុំតាមប្រព័ន្ធវីដេអូរបស់ក្រុមប្រឹក្សាសន្តិសុខអង្គការសហប្រជាជាតិស្តីពីស្ថានភាពនៅប្រទេសលីបង់និងស៊ូដង់


ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចប្រជុំតាមប្រព័ន្ធវីដេអូ ដើម្បីពិភាក្សាគ្នាអំពីស្ថានភាពនៅប្រទេសលីបង់និងស៊ូដង់
 

នាថ្ងៃទី១១ ខែសីហា  ឆ្នាំ​២០២០ ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចប្រជុំតាមប្រព័ន្ធវីដេអូ ដើម្បីពិភាក្សាគ្នាអំពីស្ថានភាពនៃប្រទេសលីបង់និងការអនុវត្តបេសកម្មនៃកងកម្លាំងបណ្តោះអាសន្នរបស់អង្គការសហប្រជាជាតិប្រចាំនៅប្រទេសនេះ (UNIFIL) ។
 
ថ្លែងមតិនៅឯកិច្ចប្រជុំនេះ ឯកអគ្គរដ្ឋទូតនិងជាប្រធានគណៈបេសកកម្ម   វៀតណាមប្រចាំនៅអង្គការសហប្រជាជាតិ លោក Dang Dinh Quy បានមានប្រសាសន៍ថា ចាំបាច់ត្រូវដាក់ភារកិច្ចជួយសង្គ្រោះប្រជាជនជាអាទិភាពខ្ពស់បំផុត ព្រមទាំងអំពាវនាវឱ្យសហគមន៍អន្តរជាតិបង្កើនការផ្តល់ជំនួយមនុស្សធម៌ដល់ប្រទេសលីបង់។ ទន្ទឹមនឹងនេះដែរ លោកឯកអគ្គរដ្ឋទូតក៏បានបញ្ជាក់ថាក្នុងបរិបទបច្ចុប្បន្ននេះ តួនាទីរបស់កងកម្លាំងបណ្តោះអាសន្ននៃអង្គការសហប្រជាជាតិប្រចាំនៅលីបង់ គឺកាន់តែចាំបាច់ណាស់ ដើម្បីធានាសន្តិសុខនិងស្ថិរភាពក្នុងតំបន់ ក៏ដូចជាជួយប្រទេសលីបង់អាចជំនះពុះពារលើការលំបាកនាពេលបច្ចុប្បន្នផងដែរ។
 
ទាក់ទងនឹងស្ថានភាពនាពេលថ្មីៗនេះនៅ Darfur ប្រទេសស៊ូដង់ លោកឯកអគ្គរដ្ឋ ទូត Dang Dinh Quy បានសង្កត់ធ្ងន់លើតួនាទីឈានមុខរបស់រដ្ឋាភិបាលស៊ូដង់ ក្នុងការធានាសន្តិសុខនៅទីនេះ ដោយទទួលស្គាល់ការខិតខំប្រឹងប្រែងរបស់រដ្ឋាភិបាលនេះក្នុងការដោះស្រាយបញ្ហាអំពើហឹង្សានាពេលថ្មីៗនេះ និង អំពាវនាវឱ្យដោះស្រាយមូលហេតុដល់គល់នៃបញ្ហានេះតែម្តង៕

តាម VOV5 - វិទ្យុសំឡេងវៀតណាម


អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top