នាយកបណ្ឌិតសភានយោបាយជាតិហូជីមិញ លោក Nguyen Xuan Thang បានអះអាងដូច្នេះនៅរសៀលថ្ងៃទី ២៨ ឧសភា នៅទីក្រុងហាណូយ នៅពេលទទួល ជួបនិងធ្វើការជាមួយលោក Thomas Gass ឯកអគ្គរដ្ឋទូតវិសាមញ្ញ និងពេញសមត្ថ ភាពនៃសហព័ន្ធស្វីសប្រចាំនៅវៀតណាម។ លោក Nguyen Xuan Thang ក៏បាន និយាយថា បណ្ឌិតសភាត្រៀមខ្លួនជាស្រេចចែករំលែកបទពិសោធន៍ជាមួយដៃគូស្វីស ក្នុងវិស័យនានា ជាពិសេសបញ្ហាទាក់ទងនឹងការផ្លាស់ប្តូរថាមពលប្រកបដោយសមធម៌ ការធ្វើបរិវត្តកម្មឌីជីថល ការសម្របខ្លួនទៅនឹងការប្រែប្រួលអាកាសធាតុ។
រីឯខ្លួនវិញ ឯកអគ្គរដ្ឋទូតស្វីសប្រចាំនៅវៀតណាម លោក Thomas Gass បានអះអាងថា ស្វីសជានិច្ចកាលគោរពទំនាក់ទំនងមិត្តភាព និងកិច្ចសហប្រតិបត្តិការ ជាមួយវៀតណាម ដោយយល់ស្របនឹងមតិយោបល់ និងសំណើសម្រាប់កិច្ចសហ ប្រតិបត្តិការរបស់បណ្ឌិតសភានយោបាយជាតិហូជីមិញ។ នាពេលខាងមុខ លោកឯក អគ្គរដ្ឋទូតមានបំណងចង់សម្របសម្រួលជាមួយបណ្ឌិតសភា ដើម្បីរៀបចំសិក្ខាសាលា ក្នុងឱកាសអបអរសាទរខួបលើកទី ៧០ ទិវាចុះហត្ថលេខាលើកិច្ចព្រមព្រៀងទីក្រុង ហ្សឺណែវ (ថ្ងៃទី ២១ ខែកក្កដា ឆ្នាំ ១៩៥៤ - ថ្ងៃទី ២១ ខែកក្កដា ឆ្នាំ ២០២៤)៕
