នៅទីក្រុងហូជីមិញវិញ បុណ្យណូអែលឆ្នាំនេះ ជាពិធីបុណ្យដំបូងក្នុងស្ថាន ការណ៍ប្រក្រតីភាពថ្មីនៅទីក្រុង ដូច្នេះ ប្រជាជនយ៉ាងច្រើនកុះករ បានទៅកាន់ព្រះ វិហារកាតូលិក ភូមិគ្រិស្តសាសនានានា ដើម្បីទស្សនា ថតរូប ហើយបួងសួងសុំឲ្យ បុណ្យណូអែលមួយប្រកបដោយក្ដីសុខសាន្តនិងសុភមង្គលទៅដល់មនុស្សនិងគ្រួសារទាំងអស់។

ព្រះវិហារកាតូលិក Cua Bac ទីក្រុងហាណូយ ត្រូវបានតុបតែងយ៉ាងស្រស់ស្អាតសម្រាប់ទទួលអំណរបុណ្យណូអែល។ (រូបថត៖ VNA)

ក្នុងបរិបទដែលចំនួនករណីឆ្លងកូវីដ-១៩ថ្មីនៅទីក្រុងហាណូយនៅតែកើនឡើងនោះគឺការរៀបចំបុណ្យណូអែលនៅព្រះវិហារកាតូលិកនានាលើភូមិសាស្ត្ររដ្ឋធានី ត្រូវបានរឹតត្បិតចំនួនមនុស្សចូលរួម ដើម្បីធានាបទបញ្ញត្តិបង្ការទប់ស្កាត់ជម្ងឺរាត ត្បាត។ មូលដ្ឋានសាសនាមួយចំនួន ដូចជាព្រះវិហារកាតូលិក Ham Long បានប្រារព្ធ បុណ្យណូអែលតាមប្រព័ន្ធវីដេអូ ប៉ុន្តែបរិយាកាសនៅតែកក់ក្ដៅនិងពិសិដ្ឋ។

ចាប់តាំងពីម៉ោង៥កន្លះល្ងាច ថ្ងៃទី២៤ ខែធ្នូ ខ័ណ្ឌ Hoan Kiem រដ្ឋធានីហាណូយ បានហាមឃាត់ការធ្វើចរាចរណ៍នៅតាមវិថីមួយចំនួននៅជុំវិញព្រះវិហារកាតូលិកធំ។ វរសេនីយ៍ទោ Vu The Cuong នគរបាលមូលដ្ឋានបានឲ្យដឹងថា ពិធីអំណរ បុណ្យ ណូអែលត្រឹមតែត្រូវបានប្រារព្ធធ្វើឡើងនៅក្នុងព្រះវិហារធំប៉ុណ្ណោះ។

“ឆ្នាំនេះ ដោយសារតែជម្ងឺកូវីដ-១៩កំពុងឆ្លងរាលដាលយ៉ាងស្មុគស្មាញ ដូច្នេះ ខ័ណ្ឌបានបញ្ជាណែនាំថាមិនទុកឲ្យមនុស្សចូលក្នុងតំបន់ព្រះវិហារយ៉ាងច្រើនទេ ត្រឹម តែភ្ញៀវកិត្តិយសទើបបានចូលក្នុងព្រះវិហារប៉ុណ្ណោះ”។

នៅទីក្រុងហូជីមិញវិញ បុណ្យណូអែលឆ្នាំនេះ ជាពិធីបុណ្យដំបូងក្នុងស្ថានការណ៍ប្រក្រតីភាពថ្មីនៅទីក្រុង ដូច្នេះ ប្រជាជនយ៉ាងច្រើនកុះករ បានទៅកាន់ព្រះ វិហារកាតូលិក ភូមិគ្រិស្តសាសនានានា ដើម្បីទស្សនា ថតរូប ហើយបួងសួងសុំឲ្យ បុណ្យណូអែលមួយប្រកបដោយក្ដីសុខសាន្តនិងសុភមង្គលទៅដល់មនុស្សនិងគ្រួសារទាំងអស់។ លោក Bui Quang Minh នៅខ័ណ្ឌទី ៨ នៅពេលចូលរួមដោយផ្ទាល់ក្នុងពិធី អំណរបុណ្យណូអែលនៅព្រះវិហារ Fatima បានឲ្យដឹងថា៖

“ចំពោះរូបខ្ញុំផ្ទាល់ បានចូលរួមសកម្មភាពសាសនាគឺមានអត្ថន័យសំខាន់ ណាស់។ បច្ចុប្បន្ននេះ ទីក្រុងគ្រប់គ្រងការឆ្លងរាលដាលបានហើយ មនុស្សរាល់គ្នាអាច ទៅកាន់ព្រះវិហារដើម្បីបួងសួងដូច្នេះខ្ញុំមានអារម្មណ៍សប្បាយរីករាយយ៉ាងក្រៃលែង ផាសុខភាពនិងនឹងនរចិត្តណាស់”៕

តាម VOV5 - វិទ្យុសម្លេងវៀតណាម