• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាំទំនាក់ទំនងវៀតណាម-សិង្ហបុរីឲ្យមានការអភិវឌ្ឍកាន់តែស៊ីជម្រៅថែមទៀត

នាថ្ងៃទី៩ ខែវិច្ឆិកា ឆ្នាំ២០២១ អនុរដ្ឋមន្ត្រីក្រសួងការបរទេសវៀត ណាម លោក Nguyen Quoc Dung និងលេខាធិការអចិន្ត្រៃយ៍នៃក្រសួងការបរទេសសិង្ហបុរី Chee Wee Kiong បានធ្វើជាសហប្រធានសម័យប្រជុំពិគ្រោះយោបល់នយោបាយលើកទី ១៤ រវាងប្រទេសទាំងពីរតាមទម្រង់ផ្ទាល់មុខ។
 

ពិធីប្រគល់ជានិមិត្តរូបនូវសម្ភារៈបរិក្ខាពេទ្យសម្រាប់បង្ការនិងប្រយុទ្ធប្រឆាំងជំងឺកូវីដ-១៩ របស់ប្រទេសសិង្ហបុរី ជួយឧបត្ថម្ភដល់ប្រទេសវៀតណាម (រូបភាព៖ ក្រសួងការបរទេស)
 
សម័យប្រជុំលើកទី ១៤ នៃកិច្ចពិគ្រោះយោបល់នយោបាយវៀតណាម-សិង្ហបុរី (រូបភាព៖ ក្រសួងការបរទេស)


នៅក្នុងជំនួបនេះ ភាគីទាំងពីរបានពិភាក្សាអំពីចំណុចសំខាន់នៃកិច្ចសហប្រតិបត្តិការនាពេលខាងមុខ ដើម្បីរួមចំណែកធ្វើឱ្យទំនាក់ទំនងភាពជាដៃគូយុទ្ធសាស្ត្រវៀតណាម - សិង្ហបុរីអភិវឌ្ឍន៍កាន់តែស៊ីជម្រៅនិងមានប្រសិទ្ធភាពជាង។ អនុរដ្ឋមន្ត្រី លោក Nguyen Quoc Dung បានអះអាងថា វៀតណាមនិងសិង្ហបុរីត្រូវពង្រឹងកិច្ចសហប្រតិបត្តិការ បំពេញបន្ថែមគ្នាទៅវិញទៅមក ទាញយកសក្តានុពលដ៏ធំធេងរបស់ប្រទេសនិមួយៗដើម្បីរួមការស្តារនិងអភិវឌ្ឍន៍ ជាពិសេសផ្តោតការអភិវឌ្ឍលើមណ្ឌលបច្ចេកវិទ្យាខ្ពស់ ប្រកបដោយភាពច្នៃប្រឌិតនិងស្និទ្ធស្នាលជាមួយបរិស្ថាន។

អញ្ជើញជាការឆ្លើយតប លេខាធិការអចិន្ត្រៃយ៍ Chee Wee Kiong បានយល់ព្រមជាមួយរាល់សំណើរបស់វៀតណាម និងបានបញ្ជាក់ថា សិង្ហបុរីតែងតែគាំទ្រវៀតណាមអំពីវ៉ាក់សាំងតាមរយៈយន្តការ COVAX។ ទន្ទឹមជាមួយគ្នានោះ ស្នើឱ្យភាគីទាំងពីរឆាប់បញ្ចប់ការចរចាលើការទទួលស្គាល់គ្នាទៅវិញទៅមកនៃលិខិតឆ្លងដែនវ៉ាក់សាំង (លិខិតឆ្លង ដែនសុខភាពអេឡិចត្រូនិច) កំណត់បទប្បញ្ញត្តិនៃការធ្វើដំណើរជាអាទិភាព ការតភ្ជាប់ជើងហោះហើរឡើងវិញ និងការសម្រួលការធ្វើដំណើរសម្រាប់ប្រជាពលរដ្ឋនៃប្រទេសទាំងពីរ។

ភាគីទាំងពីរបានសន្យាបន្តធ្វើការយ៉ាងជិតស្និទ្ធនិងសកម្ម គាំទ្រគ្នាទៅវិញទៅមកនៅអង្គការនិងវេទិកាថ្នាក់តំបន់និងអន្តរជាតិ ទាញយកផលប្រយោជន៍ប្រកបដោយប្រសិទ្ធភាពនាំមកពីកិច្ចព្រមព្រៀងពាណិជ្ជកម្មសេរីជំនាន់ថ្មី។ ទាក់ទងនឹងបញ្ហាអន្តរជាតិនិងតំបន់ដែលមានការ យកចិត្តទុកដាក់គ្នាទៅវិញទៅមក រួមទាំងបញ្ហាសមុទ្រខាងកើត ភាគីទាំងពីរបានសង្កត់ធ្ងន់លើសារៈសំខាន់នៃការរក្សាសន្តិភាព ស្ថិរភាព សន្តិសុខ សុវត្ថិភាព និងសេរីភាពនៃការធ្វើនាវាចរណ៍ និងអាកាសចរណ៍នៅលើសមុទ្រខាងកើត ដោះស្រាយជម្លោះដោយសន្តិវិធី ឈរលើមូលដ្ឋាននៃច្បាប់អន្តរជាតិ។

នៅចុងបញ្ចប់នៃកិច្ចប្រជុំ ភាគីទាំងពីរបានអនុវត្តន៍ការប្រគល់អំណោយជានិមិត្តរូបនៃការផ្គត់ផ្គង់ឧបករណ៍វេជ្ជសាស្រ្តមួយចំនួនពីរដ្ឋាភិបាលសិង្ហបុរីដែលជាជំនួយឧបត្ថម្ភដល់ប្រទេសវៀតណាម៕

តាម VOV5 - វិទ្យុសំឡេងវៀតណាម

ពិធីបុណ្យបើកព្រះត្រា Tran នានិទាឃរដូវឆ្នាំរោង ឆស័ក ២០២៤

ពិធីបុណ្យបើកព្រះត្រា Tran នានិទាឃរដូវឆ្នាំរោង ឆស័ក ២០២៤

ពិធីបុណ្យបើកព្រះត្រា Tran នៅនិទាឃរដូវ ឆ្នាំរោង ឆស័ក ២០២៤ បានប្រព្រឹត្តិទៅនាយប់ថ្ងៃទី២៣ ខែកុម្ភៈ និងព្រឹកព្រលឹមថ្ងៃទី ២៤ ខែកុម្ភៈ (ពោលគឺរាត្រីថ្ងៃទី ១៤ ព្រឹកព្រលឹមថ្ងៃទី ១៥ តាមច័ន្ទគតិ) នៅបរិវេណវិហារ Tran នៃខេត្ត Nam Dinh។

Top