• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្រ្តីវៀតណាម លោក Nguyen Xuan Phuc អញ្ជើញជួបសន្ទនាតាមទូរស័ព្ទជាមួយប្រធានាធិបតីអាមេរិកលោក Donald Trump

នាយប់ថ្ងៃទី ២២ ធ្នូ នាយករដ្ឋមន្រ្តីវៀតណាម លោក Nguyen Xuan Phuc បានអញ្ជើញជួបសន្ទនាតាមទូរស័ព្ទ ជាមួយប្រធានាធិបតីអាមេរិកលោក Donald Trump។

នាយករដ្ឋមន្ត្រីវៀតណាម លោក Nguyen Xuan Phuc អញ្ជើញជួបសន្ទនាតាមទូរស័ព្ទជាមួយប្រធានាធិបតីអាមេរិក លោក Donald Trump (រូបថត៖ VGP)


ក្នុងជំនួបសន្ទនានេះ មេដឹកនាំទាំងពីររូបបានឯកភាពវាយតម្លៃថា ទំនាក់ទំនងរវាងវៀតណាម - អាមេរិកមានការអភិវឌ្ឍខ្លាំងក្លាលើគ្រប់វិស័យ បន្ទាប់ពីរយៈពេល ២៥ ឆ្នាំនៃការបង្កើតទំនាក់ទំនងការទូត និងជាពិសេសក្នុងរយៈពេលប៉ុន្មានឆ្នាំថ្មីៗនេះ។ មេដឹកនាំទាំងពីររូបជឿជាក់ថា ទំនាក់ទំនងទ្វេភាគីនឹងកាន់តែស៊ីជម្រៅនិងស្ថិរភាព ដើម្បីផលប្រយោជន៍ទៅវិញទៅមកសម្រាប់ប្រជាជននៃប្រទេសទាំងពីរ ក្នុងនោះកិច្ចសហប្រតិបត្តិការសេដ្ឋកិច្ចនិងពាណិជ្ជកម្មគឺជាកម្លាំងចលករនៃទំនាក់ទំនងទ្វេភាគី។ ប្រទេសវៀតណាមមួយ ខ្លាំងក្លា ឯករាជ្យនិងវិបុលភាព ហើយកំពុងដើរតួនាទីកាន់តែសំខាន់នៅក្នុងតំបន់គឺជាបំណងប្រាថ្នារបស់ប្រជាជនវៀតណាម ហើយក៏សមស្របតាមផលប្រយោជន៍របស់សហរដ្ឋអាមេរិកផងដែរ។

ក្នុងឱកាសនេះ លោកនាយករដ្ឋមន្រ្តី Nguyen Xuan Phuc និងលោកប្រធានាធិបតី Donald Trump បានផ្លាស់ប្តូរមតិចំពោះការដែល ស្ថាប័នតំណាងពាណិជ្ជសកម្មអាមេរិក កំពុងធ្វើការស៊ើបអង្កេតអំពី គោលនយោបាយរូបិយវត្ថុវត្ថុធាតុដើមឈើរបស់វៀតណាម ដោយអនុលោមតាមច្បាប់ពាណិជ្ជកម្មសហរដ្ឋអាមេរិកឆ្នាំ ១៩៧៤។ លោកនាយករដ្ឋមន្រ្តីវៀតណាមបានបញ្ជាក់ថា វៀតណាមគឺជាប្រទេសកំពុងអភិវឌ្ឍន៍មួយដែលធ្វើនិយ័តកម្មគោលនយោបាយរូបិយវត្ថុ ដើម្បីគ្រប់គ្រងអតិផរណា ស្ថេរភាពម៉ាក្រូសេដ្ឋកិច្ចនិងគ្រប់គ្រងអត្រាប្តូរប្រាក់ ហើយពុំមែនជាការបង្កើតផលចំណេញក្នុងការប្រកួតប្រជែងពាណិជ្ជកម្មអន្តរជាតិទៀតសោត។ ឈរលើស្មារតីនេះ ភាគីទាំងពីរបានឯកភាព ចាត់ឲ្យក្រសួងនិងស្ថាប័ននានារបស់វៀតណាមនិងសហរដ្ឋអាមេរិក បន្តកិច្ចសហប្រតិបត្តិការនិងដោះស្រាយរាល់បញ្ហារបស់សហរដ្ឋអាមេរិកនិងវៀតណាមដោយរក្សាបាននូវទំនាក់ទំនងពាណិជ្ជកម្មប្រកបដោយស្ថិរភាព ឆ្ពោះទៅរកតុល្យភាពពាណិជ្ជកម្មប្រកប ដោយសុខ ដុមរមនានិងផលប្រយោជន៍ទៅវិញទៅមក។

នាយករដ្ឋមន្រ្តី លោក Nguyen Xuan Phuc បានអបអរសាទរលោកប្រធានាធិបតី Donald Trump ចំពោះការទទួលបានជោគជ័យក្នុងការបង្កើតវ៉ាក់សាំង កូវីដ-១៩ ចំនួន២ប្រភេទក្នុងរយៈពេលដ៏ខ្លីប៉ុណ្ណោះ។ លោកប្រធានាធិបតី Donald Trump បានបញ្ជាក់ថា លោកគោរពនិងស្រឡាញ់ភាពរួសរាយរាក់ទាក់របស់ប្រទេសនិងប្រជាជនវៀតណាម ហើយមានបំណងចង់វិលមកបំពេញទស្សនកិច្ចនៅ វៀតណាមម្តងទៀតនាពេលខាងមុខ៕


 

តាម​ VOV5 - វិទ្យុសម្លេងវៀតណាម

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top