នារសៀលថ្ងៃទី៩ ខែវិច្ឆិកា នៅរាជធានីភ្នំពេញ ក្នុងក្របខ័ណ្ឌនៃដំណើរទស្សនកិច្ចផ្លូវការនៅព្រះរាជាណាចក្រកម្ពុជា នាយករដ្ឋមន្ត្រី លោក Pham Minh Chinh បានអញ្ជើញទទួលជួបជាមួយលោកជំទាវ ម៉ែន សំអន ឧបនាយករដ្ឋមន្ត្រី អនុប្រធានគណបក្សប្រជាជនកម្ពុជា ប្រធានសមាគមមិត្តភាពកម្ពុជា-វៀតណាម។ នៅក្នុងជំនួបនេះ នាយករដ្ឋមន្ត្រីលោក Pham Minh Chinh បានស្នើឱ្យលោកជំទាវឧបនាយករដ្ឋមន្ត្រី ម៉ែន សំអន បន្តជួយឧបត្ថម្ភ គាំទ្រ និងបង្កលក្ខណៈងាយស្រួលសម្រាប់ប្រជាពលរដ្ឋ អង្គភាពអាជីវកម្ម និងសហគមន៍ប្រជាជនដើមកំណើតវៀតណាមរស់នៅ និងធ្វើអាជីវកម្មប្រកបដោយស្ថិរភាពនៅកម្ពុជា។
ថ្នាក់ដឹកនាំទាំងពីរបានឯកភាពថា នាពេលខាងមុខ ប្រទេសទាំងពីរត្រូវបង្កើនកិច្ចសហប្រតិបត្តិការរវាងមូលដ្ឋាន ជាពិសេសតាមតំបន់ដែលជាប់ព្រំប្រទល់ និងជំរុញការជួបប្រាស្រ័យរវាងប្រជាជនតាមរយៈទម្រង់ជាក់ស្តែង និងមានប្រសិទ្ធភាពជាច្រើន ជាពិសេសតាមរយៈសកម្មភាពរបស់សមាគមមិត្តភាពនៃប្រទេសទាំងពីរផងដែរ៕
