គេហទំព័រ Trip Advisor បានចាត់ចំណាត់ថ្នាក់ទីក្រុងហាណូយ ឈរលំដាប់ទី ២ ក្នុងបញ្ជីគោលដៅទេសចរណ៍ពេញនិយមបំផុតទាំង ២៥ នៅអាស៊ីនិងទី ៦ ក្នុងបញ្ជីគោលដៅទេសចរណ៍ពេញនិយមបំផុតទាំង ២៥ នៅលើពិភពលោក។
![]() |
បឹង Guom តែងតែជាគោលដៅទាក់ទាញសម្រាប់ភ្ញៀវទេសចរ (រូបថត៖ TTXVN) |
គេហទំព័រទេសចរណ៍អនឡាញ Worldpackers (សហរដ្ឋ អាមេរិក) បានណែនាំរដ្ឋធានីហាណូយជាទីក្រុងមួយក្នុងចំណោមទីក្រុងមានការចំណាយ ថោកបំផុតទាំង ១០ នៅលើពិភពលោកសម្រាប់ជនបរទេស ។ ទស្សនាវដ្ដី Time (USA) បានជ្រើសរើសរដ្ឋធានីហាណូយ ជាគោលដៅមួយក្នុងចំណោមគោលដៅទាំងបីរបស់វៀតណាមចូលក្នុងលំដាប់កំពូលទាំង ១០០ កន្លែងអស្ចារ្យបំផុត ក្នុងពិភព លោក គោលដៅចំនួនបីរួមមានៈ រដ្ឋធានីហាណូយ ទីក្រុងហូជីមិញ និង Phu Quoc (ខេត្ត Kien Giang)។
បន្ទាប់មក គេហទំព័រ Holidu (ចក្រភពអង់គ្លេស) ឯកទេសទេសចរណ៍អន្តរជាតិ បានដាក់ចំណាត់ថ្នាក់រដ្ឋធានីហាណូយនៅទីតាំងទី ១៨ (ទីក្រុងហូជីមិញទី ២១ និងទីក្រុង Hoi An ទី៣២) ក្នុងបញ្ជីទីក្រុងល្អបំផុតចំនួន ១៤៧ សម្រាប់ធ្វើការនិងសម្រាកលំហែកាយក្នុងពិភពលោក។ ស្ថាប័នវិភាគ Deep Knowledge Analytics (DKA) បានចាត់ចំណាត់ថ្នាក់រដ្ឋធានីហាណូយក្នុងបញ្ជីទីក្រុងចំនួន ៥០ ដែលមានការឆ្លើយតបនឹងជំងឺរាតត្បាតល្អបំផុតនៅលើពិភពលោក ស្ថិតនៅលំដាប់ទី ៤៤ ក្នុងចំណោមទីក្រុងទេសចរណ៍ចំនួន ៧២ ដែលត្រូវបាន DKA លើកមកវិភាគ។
សៀវភៅមគ្គុទ្ទេសក៍ទេសចរណ៍ដ៏ល្បីល្បាញ Forbes Travel Guide (USA) បានប្រកាសពីបញ្ជីសណ្ឋាគារប្រណិត ភោជនីយដ្ឋាន និងស្ប៉ាលំដាប់ផ្កាយ ៥ ដែលក្នុងនោះ សណ្ឋាគារ Sofitel Legend Metropole Hanoi ទទួលបានពានរង្វាន់ជាលើកទីពីរជាប់ៗគ្នាជាមួយនឹងចំណាត់ថ្នាក់ខ្ពស់បំផុត។ លើសពីនេះ ពានរង្វាន់ Travelers' Choice Awards 2021 ដែលជាពានរង្វាន់ជាបន្តបន្ទាប់ដែលរៀបចំដោយ TripAdvisor បានចាត់ចំណាត់ថ្នាក់សណ្ឋាគារហាណូយ La Siesta Diamond (ហាណូយ) ឱ្យជាប់ចំណាត់ថ្នាក់លេខ ១ ក្នុងចំណោមសណ្ឋាគារមានដំបូលដ៏ស្រស់ស្អាតបំផុតទាំង ២៥ នៅលើពិភពលោក៕
តាម VOV5 - វិទ្យុសំឡេងវៀតណាម