នេះជាលើកទីមួយហើយដែលវៀតណាមបានបញ្ជូនកងកម្លាំង ចូលរួមព្រឹត្តិ ការណ៍នេះ ដែលមានសារៈសំខាន់យ៉ាងខ្លាំងចំពោះទំនាក់ទំនងមិត្តភាពជាប្រពៃណីរវាងវៀតណាមនិងរុស្ស៊ីនិយាយរួម និងចំពោះកងទ័ពប្រជាជន វៀតណាមនិយាយដោយឡែក។
អញ្ជើញទស្សនានិងលើកទឹកចិត្តគណៈប្រតិភូកងទ័ពប្រជាជនវៀតណាមនាថ្ងៃទី ២៨ មេសា ខណៈពេលដែលគណៈប្រតិភូកំពុងហ្វឹកហាត់នៅទីលានហ្វឹកហាត់ Alabino ជាយក្រុងនៃទីក្រុងម៉ូស្គូ ឯកអគ្គរដ្ឋទូតវៀតណាមប្រចាំនៅសហព័ន្ធរុស្ស៊ី Dang Minh Khoi បានសង្កត់ធ្ងន់ថា៖ “អគ្គលេខាបក្ស លោក តូ ឡឹម និងគណៈប្រតិភូជាន់ខ្ពស់បក្ស និងរដ្ឋវៀតណាមនឹងអញ្ជើញមានដំណើរទៅកាន់រុស្ស៊ីដើម្បីចូលរួមពិធីក្បួនព្យុហយាត្រា។ ខ្ញុំជឿជាក់យ៉ាងមុត មាំថា លោកអគ្គលេខាបក្ស តូ ឡឹមនិងគណៈប្រតិភូជាន់ខ្ពស់នឹងមានមោទនភាពដែលបានឃើញកងកម្លាំងកងទ័ពវៀតណាម នៅលើទីលានក្រហម។ ខ្ញុំសង្ឃឹមថា ក្រុមយុទ្ធជននឹងជំនះរាល់ការលំបាកក្នុងភាពខុសគ្នានៃអាកាសធាតុ និងតំបន់ពេលវេលា ដើម្បីបំពេញភារកិច្ចដែលបក្ស រដ្ឋ និងកងទ័ពប្រគល់ជូន នាំមកនូវកិត្តិយស និងមោទនភាពសម្រាប្រទេស វៀតណាម និងកងទ័ពប្រជាជនវៀតណាម”។
មុននោះ នាថ្ងៃទី ២៤ មេសា គណៈប្រតិភូកងទ័ពប្រជាជនវៀតណាមដែលមានសមាជិកប្រហែល ៨០ នាក់បានមកដល់ទីក្រុងមូស្គូ ហើយបានផ្លាស់ទីទៅកន្លែងហ្វឹកហ្វឺន Alabino ភ្លាមៗ ដើម្បីហ្វឹកហាត់ជាមួយគណៈប្រតិភូយោធានៃប្រទេសផ្សេងៗដែលចូលរួមក្នុងពិធីព្យុហយាត្រា នៅទីលានក្រ ហម។
គណៈប្រតិភូនឹងចូលរួមហ្វឹកហ្វឺនរួមនៅថ្ងៃទី ២៩ ខែមេសា និងថ្ងៃទី ៣ ខែឧសភា ហើយចូលរួមក្នុងពិធីពិនិត្យបឋមនៅថ្ងៃទី ៧ ខែឧសភា នៅទីលានក្រហម មុនពេលចូលរួមក្នុងក្បួនព្យុហយាត្រាជាផ្លូវការនៅម៉ោង ៨:៣០ ព្រឹក (ម៉ោងក្នុងតំបន់) នៅថ្ងៃទី ៩ ខែឧសភា៕
