យោងតាមរបាយការណ៍ខឿនសេដ្ឋកិច្ចឌីជីថលអាស៊ីអាគ្នេយ៍លើកទី ៧ របស់ Google Temasek Bain & Company បានឲ្យដឹងថា ក្នុងឆ្នាំ ២០២២ សេដ្ឋកិច្ចអ៊ីនធឺណែតរបស់វៀតណាមសម្រេចបាន ២៣ ពាន់លានដុល្លារអាមេរិក។ នៅឆ្នាំ ២០២៥ តួលេខនេះអាចសម្រេចបាន ៤៩ ពាន់លានដុល្លារអាមេរិក ដែលជាកំណើនលឿនបំផុតនៅក្នុងតំបន់។ នាបច្ចុប្បន្ន វៀតណាមកំពុងឆ្ពោះទៅគោលដៅសេដ្ឋកិច្ចឌីជីថលស្រូបយក ២០% នៃ GDP នៅឆ្នាំ ២០២៥ ដោយកំណត់ថា ការផ្លាស់ប្ដូរឌីជីថលគឺជាកាលានុវត្តភាពសម្រាប់វៀតណាមក្លាយទៅជាប្រទេសអភិវឌ្ឍន៍។
នៅក្នុងវេទិកានេះ អ្នកជំនាញ និងសហគ្រាសមានគោលបំណងថា រដ្ឋាភិបាល និងក្រសួង ស្ថាប័ននានាសុក្រិតប្រព័ន្ធច្បាប់ឱ្យបានឆាប់រហ័សស្របតាមតម្រូវការសមាហរណកម្មអន្តរជាតិ និងអភិវឌ្ឍន៍សេដ្ឋកិច្ចឌីជីថលស្របតាមស្តង់ដារអន្តរជាតិ ហើយថែមទាំងសិក្សាពីផែនការកសាង តំបន់សេដ្ឋកិច្ចឌីជីថល ដើម្បី ទាក់ទាញការវិនិយោគរបស់សហគ្រាសសេដ្ឋកិច្ចឌីជីថល ដោយផ្សារភ្ជាប់ជាមួយការកសាងប្រព័ន្ធអេកូឡូស៊ីនវានុវត្តន៍នៅវៀតណាមផងដែរ៕
