គោលដៅទូទៅនៃគម្រោងគឺការអភិវឌ្ឍទីផ្សារកាបូននៅវៀតណាម រួមចំណែកក្នុង ការអនុវត្តគោលដៅកាត់បន្ថយការបំភាយឧស្ម័នផ្ទះកញ្ចក់ដែលបានសន្យាក្នុងការរួម ចំណែកដែលបណ្ដាប្រទេសកំណត់ដោយខ្លួនឯង (NDC) ជាមួយនឹងការចំណាយ ទាបរបស់អង្គភាពអាជីវកម្មនិងសង្គម បង្កើតលំហូរហិរញ្ញវត្ថុថ្មី។ សម្រាប់សកម្មភាព កាត់បន្ថយការបំភាយឧស្ម័នផ្ទះកញ្ចក់ ជំរុញការធ្វើបរិវត្តកម្មបៃតង អភិវឌ្ឍបច្ចេកវិទ្យា បំភាយឧស្ម័នទាប រួមចំណែកលើកកំពស់សមត្ថភាពប្រកួតប្រជែងរបស់សហគ្រាស វៀតណាមក្នុងទីផ្សារក្នុងស្រុក និងក្នុងទីផ្សារពិភពលោក អភិវឌ្ឍន៍សេដ្ឋកិច្ចកាបូនទាប និងឆ្លើយតបដោយម្ចាស់ការនឹងបម្រែបម្រួលអាកាសធាតុ ឆ្ពោះទៅរកគោលដៅ សម្រេចបាននូវការបំភាយឧស្ម័នសូន្យសុទ្ធត្រឹមឆ្នាំ ២០៥០។

គម្រោងបានដាក់ចេញគោលដៅថា ត្រឹមខែមិថុនាឆ្នាំ២០២៥៖ កសាងនិង សុក្រិតជាបណ្តើរៗនូវក្របខ័ណ្ឌច្បាប់សម្រាប់ការផ្លាស់ប្តូរកូតានៃការបំភាយឧស្ម័នផ្ទះកញ្ចក់ ឥណទានកាបូន និងយន្តការសម្រាប់ការផ្លាស់ប្តូរ និងបំពេញបន្ថែមគ្នានូវឥណ ទានកាបូន ធានាមូលដ្ឋានច្បាប់សម្រាប់ការអនុវត្តសាកល្បងនូវផ្សារជួញដូរកាបូន; សមត្ថភាព និងការយល់ដឹងរបស់សហគ្រាស អង្គការ និងបុគ្គល ឆ្លើយតបនឹងការ ត្រៀមខ្លួនចូលរួមក្នុងទីផ្សារកាបូន។ ដំណាក់កាលអនុវត្តសាកល្បងប្រព្រឹត្តទៅចាប់ពីឆ្នាំ ២០២៥ ដល់ចុងឆ្នាំ ២០២៨។ ការអនុវត្តសាកល្បងទីផ្សារកាបូននឹងដំណើរការនៅទូទាំងប្រទេស៕