ប្រធានរដ្ឋសភាវៀតណាមលោក Tran Thanh Man ធ្វើការជាមួយគណៈកម្មាធិការអចិន្ត្រៃយ៍នៃគណៈកម្មាធិការបក្សទីក្រុង Can Tho។ (រូបថត៖ VOV)

ដោយអះអាងថា បក្ស រដ្ឋ រដ្ឋាភិបាល និងរដ្ឋសភាមានយន្តការ និងគោលនយោបាយជាច្រើនសម្រាប់ទីក្រុង Can Tho ប្រធានរដ្ឋសភា លោក Tran Thanh Man បានស្នើថា ថ្នាក់ដឹកនាំទីក្រុងត្រូវពិនិត្យឡើងវិញនូវលទ្ធផលដែលសម្រេចបាន អនុវត្តន៍ដំណោះស្រាយអភិវឌ្ឍន៍សេដ្ឋកិច្ចសង្គមដោយស៊ីសង្វាក់គ្នា; ផ្តោតលើការអភិវឌ្ឍវិស័យវប្បធម៌សង្គម; កែលម្អបរិយាកាសវិនិយោគ និងអាជីវកម្ម។ ទន្ទឹមនឹងនោះ គាំទ្រ និងបង្កើតលក្ខខណ្ឌអំណោយផលសម្រាប់វិនិយោគិន ដើម្បីពន្លឿនវឌ្ឍនភាពនៃការវិនិយោគលើគម្រោងសំខាន់ៗនៅក្នុងតំបន់; ដោះស្រាយការលំបាក ឧបសគ្គ ជំរុញផលិតកម្ម អាជីវកម្ម ការវិនិយោគ និងការអភិវឌ្ឍទីក្រុង។

ក្នុងឱកាសបុណ្យចូលឆ្នាំថ្មីប្រពៃណីជាតិ ប្រធានរដ្ឋសភា លោក Tran Thanh Man បានស្នើឲ្យថ្នាក់ដឹកនាំក្រុងបន្តយកចិត្តទុកដាក់ថែទាំជីវភាពរស់នៅរបស់ប្រជាជន ជាពិសេសគ្រួសារគោលនយោបាយ និងគ្រួសារក្រីក្រ ដើម្បីឲ្យប្រជាពលរដ្ឋទាំងអស់ទទួលអំណរបុណ្យតេតប្រកបដោយក្ដីសប្បាយរីករាយ។

នារសៀលថ្ងៃនេះផងដែរ ប្រធានរដ្ឋសភាវៀតណាម លោក Tran Thanh Man និងក្រុមការងារបានចុះសួរសុខទុក្ខ និងជូនអំណោយបុណ្យតេតដល់គ្រួសារគោលនយោបាយ ជនមានគុណូបការៈចំពោះបដិវត្តន៍; គ្រួសារក្រីក្រ; កម្មករ ពលករដែលជួបការលំបាកនៅទីក្រុង Can Tho ក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំ២០២៥៕