ទិដ្ឋភាពនៃជំនួបធ្វើការរវាងភាគីទាំងពីរ (រូបថត៖ hcm.gov.vn)
នាយប់ថ្ងៃទី១ ខែកុម្ភៈ ឆ្នាំ២០១៨ អនុប្រធានគណៈកម្មាធិការប្រជាជនទីក្រុងហូជីមិញ លោក Tran Vinh Tuyen បានទទួលជួបនាយកជាតិធនាគារអភិវឌ្ឍន៍ទ្វីបអាស៊ី (ADB) ប្រចាំវៀតណាមលោក Eric Sidwick។ នៅទីនេះ លោក Tran Vinh Tuyen អះអាងថា ទីក្រុងហូជីមិញជានិច្ចកាលយកចិត្តទុកដាក់និងអនុវត្តន៍កិច្ចសន្យាដែលត្រូវបានចុះហត្ថលេខាជាមួយដៃគូរបស់ខ្លួន ជាពិសេសគឺជាមួយ ADB ព្រមទាំងឲ្យដឹងថែមទៀតថា រដ្ឋាភិបាលវៀតណាមកំពុងត្រួតពិនិត្យឡើងវិញនូវ
គម្រោងការណ៍មានទុន ODA សំដៅធានាឲ្យប្រភពទុននេះត្រូវបានប្រើប្រាស់ប្រកបដោយប្រសិទ្ធភាពនាំមកនូវផលប្រយោជន៍ដល់សង្គម។នាយក ADB ប្រចាំវៀតណាមលោក Erick Sidwick អះអាងថា នឹងរួមដំណើរជាមួយទីក្រុងហូជីមិញ ក្នុងការអភិវឌ្ឍន៍ហេដ្ឋារចនាសម្ព័ន្ធនគរ ដើម្បីរួមចំណែកទៅក្នុងការអភិវឌ្ឍរួមរបស់ទីក្រុង៕
តាម VOV5 - វិទ្យុសម្លេងវៀតណាម
