នាយប់ថ្ងៃទី១៦ ខែមិនា ឆ្នាំ២០១៧ស្ថានកុងស៊ុលសាធារណរដ្ឋហុងគ្រីសប្រចាំទីក្រុងហូជីមិញ (ភាគខាងត្បូងវៀតណាម) បានរៀបចំពិធីរំលឹកបុណ្យជាតិហុងគ្រីស ថ្ងៃទី១៣ ខែមិនា។ អញ្ជើញថ្លែងមតិក្នុងពិធី អនុប្រធានអចិន្ត្រៃយ៍គណៈកម្មាធិការ ប្រជាជនទីក្រុងហូជីមិញ បានសង្កត់ធ្ងន់ថា ទីក្រុងហូជិមិញ និងទីក្រុង Budapet របស់ហុងគ្រីស បានចុះហត្ថលេខាលើ កិច្ចព្រមព្រៀងបង្កើតទំនាក់ទំនងមិត្តភាពសហប្រតិបត្តិការកាលពីឆ្នាំ២០១៥ ហើយបច្ចុប្បន្ន កំពុងខិតខំប្រឹងប្រែងជម្រុញរាល់សកម្មភាព សហប្រតិបត្តិការជាក់ស្តែង រវាងទីក្រុងទាំងពីរលើវិស័យសុខាភិបាល តូរ្យតន្ត្រីបុរាណជាដើមរួមចំណែកទៅក្នុងការកសាងទំនាក់ទំនងមិត្តភាព យ៉ាងល្អប្រសើររវាងវៀតណាមជាមួយហុងគ្រីស។
រីឯខ្លួនវិញ លោក Baloghdi Tibor អគ្គកុងស៊ុលសាធារណរដ្ឋហុងគ្រីស ប្រចាំទីក្រុងហូជីមិញ បានអះអាងថា សហគ្រាសនានា របស់ហុងគ្រីសមានបំណងសហប្រតិបត្តិការ ជាមួយដៃគូនានារបស់ទីក្រុង ដោយផ្តោតសំខាន់លើវិស័យគ្រប់គ្រងប្រភពទឹក ថែទាំសុខភាព កសិកម្ម សុវត្ថិភាពម្ហូបអាហារ និងបណ្តាគំរោងការកសាងទីក្រុងឆ្លាតដែលសមស្របនឹងផែនការអភិវឌ្ឍរបស់ទីក្រុងហូជីមិញផងដែរ៕
តាម VOV5 - វិទ្យុសំឡេងវៀតណាម
