នារៀលថ្ងៃទី១៣ ខែឧសភា ឆ្នាំ២០១៨ នៅទីក្រុង Hai Phong (ភាគខាងជើងវៀត ណាម) នាយក រដ្ឋមន្ត្រី លោក Nguyen Xuan Phuc បានអញ្ជើញចូលរួមនិងកាត់ខ្សែបូ សម្ពោធដាក់ឲ្យប្រើប្រាស់កំពង់ផែកុងតឺន័រអន្តរជាតិ Hai Phong (HICT)។

នាយករដ្ឋមន្ត្រី លោក Nguyen Xuan Phuc អញ្ជើញរួមជាមួយតំណាងនានាកាត់ខ្សែបូសម្ពោធដាក់ឲ្យប្រើប្រាស់
កំពង់ផែកុងតឺន័រអន្តរជាតិ Hai Phong (រូបថតៈ Vu Dung/VOV)

អញ្ជើញថ្លែងមតិក្នុងពិធី នាយករដ្ឋមន្ត្រី លោក Nguyen Xuan Phuc បានស្នើឲ្យក្រុមហ៊ុនចំណាត់កំ​ពង់​ផែ​កុង​តឺន័រ​អន្តរជាតិ  Hai Phong មានដំណោះស្រាយទំនើបភាវូបនីយកម្មក្នុងផលិតកម្មទទួល ប្រគល់ទំនិញ រៀបចំសេវាកម្ម logistic យ៉ាងល្អដើម្បីរួមចំណែកកាត់បន្ថយចំណាយ ដឹកជញ្ចូនសមុទ្រ និងកាត់បន្ថយចំណាយសម្រាប់​សហគ្រាស​។

នាពេលខាងមុខ ដើម្បីធ្វើអាជីវកម្មនិងប្រតិបត្តិដំណើរការកំពង់ផែនេះប្រកបដោយសុវត្ថិភាពនិងប្រសិទ្ធភាព​ខ្ពស់នោះ នាយករដ្ឋមន្ត្រីក៏បានស្នើឲ្យក្រុមហ៊ុនគប្បីកសាងហេដ្ឋារចនាសម្ព័ន្ធ ដើម្បីក្លាយទៅជាកំពង់ផែទំនើប ស្វ័យប្រវត្តិកម្ម  និងអនុវត្តប្រកបដោយជោគជ័យ រាល់សមិទ្ធិនៃបដិវត្តន៍ឧស្សាហកម្ម ៤.០។

កុងតឺន័រតំបន់នៅកំពង់ផែ Hai Phong (រូបថតៈ Vu Dung/VOV)

ក្នុងឱកាសនេះ តាងនាមរដ្ឋាភិបាលវៀតណាម នាយករដ្ឋមន្ត្រីបានថ្លែងអំណរគុណរដ្ឋាភិបាលនិងប្រជាជនជ​ប៉ុន​ដែលបានគាំទ្រនិងសហការយ៉ាងស្អិតល្មួតរួមទាំង បង្កលក្ខណៈងាយស្រួលសម្រាប់គម្រោងការនេះ រួមចំ​ណែក​អះអាង ចំណងមិត្តភាព និងទំនាក់ទំនងអន្តរជាតិយ៉ាងល្អប្រសើររវាងវៀតណាមនិងជប៉ុនផងដែរ៕
 

តាម VOV5 - វិទ្យុសម្លេងវៀតណាម