07/02/2019 10:26 GMT+7 Email Print Like 0

ទ្វីបអាស៊ីអំណរឆ្នាំថ្មី ឆ្នាំកុរ ឯកស័ក ២០១៩

​ក្នុងរាត្រីឆ្លងឆ្នាំចាស់ ចូលឆ្នាំថ្មី នៅទូទាំងប្រទេសចិន បានប្រារព្ធពិធីបុណ្យប្រពៃណីជាច្រើន ជាមួយ នឹងអំពូលភ្លើងបញ្ជេញពន្លឺពណ៌ក្រហម ការតុបតែងលំអរនិងការសម្តែងសិល្បៈដើម្បីស្វាគមន៍និទាឃរដូវ។

ទិដ្ឋភាពទទួលចូលឆ្នាំថ្មីនៅប្រទេសឥណ្ឌូនេស៊ី

មិនត្រឹមតែនៅក្នុងប្រទេសវៀតណាមប៉ុណ្ណោះទេ ប្រជាជននៅតាមបណ្តាប្រទេសអាស៊ីជាច្រើន ដូចជាប្រទេសចិន កូរ៉េ ម៉ុងហ្គោលីនិងសឹង្ហបុរីក៏កំពុងសប្បាយរីករាយទទួលស្វាគមន៍ឆ្នាំថ្មី ឆ្នាំកុរ ឯកស័ក។ ក្នុងរាត្រីឆ្លងឆ្នាំចាស់ ចូលឆ្នាំថ្មីនៅទូទាំងប្រទេសចិនបានប្រារព្ធពិធីបុណ្យប្រពៃណីជាច្រើន ជាមួយនឹងអំពូលភ្លើងបញ្ជេញ​ពន្លឺពណ៌ក្រហម ការតុបតែងលំអរនិងការសម្តែងសិល្បៈដើម្បីស្វាគមន៍និទាឃរដូវ។ បរិយាកាសទទួលស្វាគមន៍បុណ្យចូលឆ្នាំថ្មីប្រពៃណីកាន់តែសប្បាយនៅទូទាំងប្រទេសជាមួយនឹងការសំដែងរបាំរាំម៉ុងសាយ ដែលជានិមិត្តរូបរបស់ប្រទេសចិននាឱកាសនីទាឃរដូវមកដល់ម្តងៗ។

បុណ្យចូលឆ្នាំថ្មីប្រពៃណីដែលត្រូវបានគេស្គាល់ថា Seollal គឺជាពិធីបុណ្យដ៏ធំបំផុតប្រចាំឆ្នាំក្នុងវប្បធម៌របស់កូរ៉េខាងត្បូងជាថ្ងៃបណ្តេញព្រលឹងអាក្រក់ ឧបទ្រពចង្រៃនិងទទួលស្វាគមន៍នូវសំណាងល្អ។ ប្រជាជនកូរ៉េខាងត្បូង តែងតែស្លៀកពាក់ហាន់ប៊ុក ក្នុងឱកាសនេះ ធ្វើពិធីគោរពបូជាបុព្វបុរសចូលរួមក្នុងល្បែងប្រជាប្រិយប្រពៃណីនៅថ្ងៃដំបូងនៃឆ្នាំដូចជា: Yutnori, ហោះខ្លែង, ទាត់សីឬប្រមូលផ្តុំគ្នាដើម្បីរីករាយជាមួយស៊ុបនំអង្ករ (Tteokguk) ជាដើម។

ប្រទេសម៉ាឡេស៊ី ហ្វីលីពីននិងមីយ៉ាន់ម៉ានៅឆ្នាំនេះ បានទទួលស្វាគមន៍ឆ្នាំថ្មី ឆ្នាំកុរ ឯកស័ក ជាមួយនឹងការបាញ់កាំជ្រួចដ៏ស្រស់ស្អាត។ វត្តអារាមទាំងអស់ត្រូវបានណែនទៅដោយមនុស្សដែលនាំគ្នាទៅបួងសួងសុំសេចក្តីសុខ សំណាងល្អពេញមួយឆ្នាំ។ Tokyo Tower ដែលជាកន្លែងកម្សាន្តដ៏ល្បីល្បាញមួយនៅក្នុងរដ្ឋធានីរបស់ប្រទេស ជប៉ុនដែលត្រូវបានគ្របដណ្តប់ជាលើកដំបូង ដោយពន្លឺចម្រុះពណ៌ ដែលមានចង្កៀងធំៗ ចំនួន ៣៦ នាឱកាសបុណ្យចូលឆ្នាំថ្មីប្រពៃណី ឆ្នាំកុរ ឯកស័ក។ នៅឥណ្ឌូណេស៊ី ពិធីបុណ្យប្រជាប្រិយគឺជាផ្នែកសំខាន់មិនអាចខ្វះបានឡើយនាឱកាសចូលឆ្នាំប្រពៃណីមកដល់។ បរិយាកាសស្វាគមន៍បុណ្យចូលឆ្នាំថ្មីក៏មានភាពសប្បាយរីករាយ នៅប្រទេសកម្ពុជា ថៃ ម៉ុងហ្គោលី ផងដែរ។

ទោះបីជាមានភាពខុសប្លែកគ្នាជាច្រើនដោយសារតែលក្ខណៈវប្បធម៌ ប៉ុន្តែការចូលឆ្នាំថ្មីប្រពៃណី នៅបណ្តាប្រទេសអាស៊ី នៅតែជាឱកាសមួយសម្រាប់សមាជិកក្នុងគ្រួសារ ជួបជុំគ្នាដើម្បីអបអរឆ្នាំថ្មីប្រកបដោយសិរីសួស្តីនិងសុភមង្គល៕

 

តាម VOV5- វិទ្យុសម្លេងវៀតណាម

បណ្តាព័ត៌មានបានផ្សាយ