29/08/2021 23:41 GMT+7 Email Print Like 0

កងទ័ពអាមេរិកវាយប្រហារតាមជើងអាកាសតម្រង់ទៅលើសមាជិក IS នៅអាហ្គានីស្ថាន

បញ្ជាការដ្ឋានកណ្ដាលអាមេរិកប្រកាសថា ប្រទេសនេះបានធ្វើការវាយប្រហារដោយយន្តហោះដ្រូន តម្រង់ទៅលើសមាជិក IS ម្នាក់នៅ Nangahar ដែលជាអ្នកត្រូវបានគេចាត់ទុកថា បានចូលរួមរៀបចំផែនការវាយប្រហារ ប្រឆាំងកងកម្លាំអាមេរិកនៅក្រុងកាប៊ូល។

យន្តហោះរបស់កងទ័ពអាមេរិកហោះឡើងពីព្រលានយន្តហោះយោធាទីក្រុងកាប៊ូល នៅថ្ងៃទី២៧ សីហា។ (រូបថត៖ AFP/VNA)



នាថ្ងៃទី២៨ សីហា មិនដល់៤៨ម៉ោងបន្ទាប់ពីករណីវាយប្រហារដោយគ្រាប់បែក អត្តឃាតដ៏បង្ហូរឈាមនៅព្រលានយន្តហោះកាប៊ូល ដែលបណ្ដាលឲ្យពលរដ្ឋអាហ្គានីស្ថានចំនួន១៦៩នាក់និងទាហានអាមេរិកចំនួន១៣នាក់ស្លាប់ កងទ័ពអាមេរិកបានធ្វើការវាយប្រហារតបតវិញតម្រង់ទៅលើសមាជិកអង្គការរដ្ឋឥស្លាម (IS) ស្វ័យប្រកាស នៅអាហ្គានីស្ថាន។ បញ្ជាការដ្ឋានកណ្ដាលអាមេរិកប្រកាសថា ប្រទេសនេះបានធ្វើការ វាយប្រហារដោយយន្តហោះដ្រូន តម្រង់ទៅលើសមាជិក IS ម្នាក់នៅ Nangahar ដែលជាអ្នកត្រូវបានគេចាត់ទុកថា បានចូលរួមរៀបចំផែនការវាយប្រហារ ប្រឆាំងកងកម្លាំអាមេរិកនៅក្រុងកាប៊ូល។ អ្នកនាំពាក្យនៃបញ្ជាការដ្ឋានកណ្ដាល អាមេរិក វរនាវីឯក William Urban ឲ្យដឹងថា ការវាយប្រហារបានសម្លាប់មុខសញ្ញា គោលដៅ ហើយមិនបង្កគ្រោះដល់ជនស៊ីវិលឡើយ។ ប៉ុន្តែ គិតត្រឹមពេលនេះមិនទាន់ ដឹងច្បាស់ថា តើមុខសញ្ញាដែលត្រូវសម្លាប់មានការពាក់ព័ន្ធដោយផ្ទាល់ដល់ករណី វាយប្រហារដោយគ្រាប់បែកអត្តឃាតកាលពីថ្ងៃទី២៦ សីហា នៅព្រលានយន្តហោះកាប៊ូលដែរឬទេ៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ