| ກ່າເມົາແມ່ນແຖບດິນ ທີ່ຫຼາກຫຼາຍຄອງນ້ຳຄວັກໄຂ່ວໄປມາ ໄດ້ເປັນບ່ອນອາໄສຂອງກຸ້ງ, ປູ, ປາໃຫຍ່ນ້ອຍ ນາໆຊະນິດ. ເມື່ອຊອກຈັງມີ ເຍື່ອງອາຫານງົວເຜົາເ ປັນທີ່ຂຶ້ນຊື່ລືຊາ ໄປທົ່ວ ພາກໃຕ້. ຢູ່ກ່າເມົາພັດບໍ່ໜ້ອຍໜ້າ ດ້ວຍອາຫານ ຕົ້ມຍຳກະປູ ທີ່ໂດ່ງດັງທົ່ວສາຍນະທີ ເຂດ ໃຕ້ສຸດຫວຽດນາມ... |
ເຍື່ອງອາຫານຕົ້ມຍຳປູກ່າເມົາໄດ້ຮັບການປຸງແຕ່ງຈາກປະເພດປູໄຂ່ຂອງຄຸ້ມເດີດມຸຍ, ເມືອງຫງອກຫຽນ, ແຂວງກ່າເມົາ ຊຶ່ງເປັນບ່ອນໃຕ້ສຸດຂອງປະເທດຫວຽດນາມ. ໃນພູມອາດາດທີ່ມີຝົນຕົກລິນຂອງລະດູນ້ຳ ຢຶງ, ໄດ້ນັ່ງກັບໝູ່ຄູ່ຢູ່ຄຽງຂ້າງໝໍ້ຍຳປູທີ່ຍັງຟົດຮ້ອນສົ່ງກິ່ນຫອມໄປທົ່ວຫ້ອງອາຫານ, ຊິມລົດຊາດແຊບ ນົວຂອງກະປູເຈືອຈານກັບລົດສົ້ມຂອງໝາກເລັ່ນ ແລະ ຄວາມເຜັດຮ້ອນຂອງໝາກເຜັດ ກໍຖືວ່າເປັນຄວາມ ອອນຊອນໃຈ ຍາກທີ່ຈະຫຼົງລືມໄດ້ເຂດແຄວ້ນແດນເດີດມຸຍແຫ່ງນີ້.
ວັດຖຸດິບ: (ສຳລັບ 6 ຄົນ) - ກະປູໄຂ່: 1,5 ກິໂລກຣາມ - ໝາກເລັ່ນ: 5 ໜ່ວຍ - ກຸງແຫ້ງ: 100 ກຣາມ - ເຫັດເຟືອງ: 50 ກຣາມ - ໄຂ່ໄກ່: 2 ໜ່ວຍ - ໝາກພ້າວ: 1 ໜ່ວຍ - ນ້ຳມັນພືດ: ½ ບ່ວງ - ປາແດກ: 2 ບ່ວງ - ເຂົ້າປຸ້ນ: 0,5 ກິໂລກຣາມ - ນ້ຳປາ, ແປ້ງນົວ, ເກືອ, ໝາກເຜັດ, ພິກໄທ, ຫົວຜັກບົ່ວ, ຜັກທຽມ, ຜັກຫອມຫໍ້, ຜັກຫອມແກ້ວ, ຜັກບົ້ງ, ຜັກກາດຂາວ, ຍອດກ້ວຍຊອຍ… ແນວລະໜ້ອຍ.
ວິທີປຸງ: - ກະປູແກ້ກະດອງ, ລ້າງໃຫ້ສະອາດ. - ໄຂ່ໄກ່ຕີໃຫ້ແຫຼກ. - ຫົວຜັກບົ່ວຄົ້ວກັບນ້ຳມັນໃຫ້ມີກິ່ນຫອມແລ້ວເອົາໝາກເລັ່ນລົງຄົ້ວໃຫ້ທົ່ວ. ຕື່ມນ້ຳ ໝາກພ້າວ ແລະ ນ້ຳ 3 ບ່ວງ ລົງໃສ່ ເມື່ອນ້ຳຟົດກໍໃສ່ປູ, ໄຂ່, ກຸ້ງແຫ້ງ, ເຫັດເຟືອງລົງ ແລະ ຕົ້ມໃຫ້ສຸກດີ ແລ້ວຕື່ມເກືອ, ນ້ຳ ປາ, ແປ້ງນົວ ໃຫ້ພໍກິນ. ເວລາຮັບປະທານ, ຄວນໃຊ້ໄຟອ່ອນເພື່ອໃຫ້ໝໍ້ຍຳຮ້ອນຢູ່ຕະຫຼອດ. ອາຫານເຍື່ອງນີ້ກິນແກ້ມ ກັບເຂົ້າປຸ້ນ ແລະ ຜັກປະເພດຕ່າງໆ. ບົດ: ຫງວຽນຫວູທັນດາດ ພາບ: ຫືວແທ່ງ |
