ເຜົ່າ ຊານໄຈ ຍັງມີຊື່ເອີ້ນຕ່າງໆ ຄື: ເຫີ່ນເບີ້ນ, ກາວລານ, ຊານຈີ, ໝານກາວລານ, ສ່ວນຫຼາຍອາໄສຢູ່ແຂວງ ຖາຍງວຽນ, ບັກກ້ານ, ບັກຢາງ ແລະ ແຂວງຕ່າງໆ ຂຶ້ນກັບເຂດຕາເວັນອອກສ່ຽງເໜືອຂອງ ຫວຽດນາມ.
ຕາມປົກກະຕິ, ໃນໂອກາດຈັດຕັ້ງງານບຸນ, ບັນດາຄອບຄົວຊາວເຜົ່າ ຊານໄຈ ກໍ່ພ້ອມກັນກະກຽມເຄື່ອງຂອງຖະຫວາຍ ຄື: ຊີ້ນໝູ, ເຂົ້າໜຽວ, ໄກ່, ໄຂ່ໄກ່, ໝາກໄມ້… ໜຶ່ງໃນ ບັນດາເຄື່ອງຂອງຖະຫວາຍສຳຄັນທີ່ຂາດບໍ່ໄດ້ໃນພິທີ ໄຫວ້ບູຊາແມ່ນພາບແຕ້ມແຜ່ນໜຶ່ງທີ່ມີບັນດາລວດລາຍ, ຮູບແຕ້ມ ບູຮານ. ຕາມຮີດຄອງ, ຊາວ ຊານໄຈ ມີພາບ ແຕ້ມປະມານເກືອບ 30 ແຜ່ນດ້ວຍຮູບແຕ້ມແຕກຕ່າງກັນ ໄດ້ນຳໃຊ້ໃນບັນດາພິທີ.
 ແມ່ຍິງຄົນໜຶ່ງເຜົ່າ ຊານໄຈ ພວມກະກຽມພາບແຕ້ມເພື່ອ ຮັບໃຊ້ໃຫ້ແກ່ພິທີໄຫວ້ບູຊາ.  ເຄື່ອງຂອງຖະຫວາຍທີ່ຊາວເຜົ່າ ຊານໄຈ ນຳໃຊ້ໃນພິທີ ໄຫວ້ບູຊາ.  ໝໍເຢົາປະຕິບັດບັນດາພິທີການໃນພິທີຂໍໃຫ້ຜົນການເພາະ ປູກດີຂອງຊາວເຜົ່າ ຊານໄຈ.  ເຄື່ອງຂອງທີ່ໝໍເຢົານຳໃຊ້ໃນພິທີໄຫວ້ບູຊາແມ່ນປ່ຽງໄມ້ໜຶ່ງ ທີ່ໄດ້ຕັດອອກຈາກທ່ອນໄມ້ ແລະ ເຫຼົ້າຈອກໜຶ່ງ…  … ແລະ ໄດ້ນຳໃຊ້ເພື່ອຂໍຊຽງຊີໃນຕອນສຸດທ້າຍຂອງພິທີ.  ເປີດສາກໃຫ້ງານບຸນແມ່ນຈັງຫວະຟ້ອນ ຕັກສິ່ງ.  ຜູ້ຊາຍເປັນຜູ້ຟ້ອນສຸດທ້າຍຂອງຈັງຫວະຟ້ອນ ຕັກສິ່ງ.  ຈັງຫວະຟ້ອນ ຕັກສິ່ງ ໄດ້ສະແດງຕາມທຳນອງສຽງທີ່ໄດ້ ກະຈາຍອອກຂຶ້ນຈາກບັນດາເຄື່ອງເສບດົນຕີທີ່ງ່າຍດາຍຄື: ທໍ່ໄມ້ໄຜ່, ທໍ່ໄມ້ເຮ້ຍ ດ້ວຍຂະໜາດທີ່ແຕກຕ່າງກັນ.  ວາດຟ້ອນຂອງຈັງຫວະຟ້ອນ ຕັກສິ່ງ ພັນລະນາເຖິງບັນດາ ການເຄື່ອນໄຫວໃນການອອກແຮງງານຂອງຊາວເຜົ່າ ຊານໄຈ.  ແມ່ຍິງຊາວເຜົ່າ ຊານໄຈ ໃນຊຸດອາພອນປະຈຳເຜົ່າ ຂອງຕົນ. |
ເຖິງຊົ່ວໂມງດີ, ໝໍເຢົາເລີ່ມປະຕິບັດພິທີໄຫວ້ບູຊາຂໍໃຫ້ຜົນການເພາະປູກດີ. ລາວອ່ານຄຳຮ້ອງຂໍຈາກປື້ມຫົວໜຶ່ງ, ຂໍເທວະດາຟ້າແຖນດົນບັນດານໃຫ້ຝົນຟ້າອາກາດທີອຳນວຍ, ຜົນການເພາະປູກດີ, ໝູ່ບ້ານໄດ້ສະຫງົບ, ຊາວບ້ານໄດ້ຢູ່ເຢັນເປັນສຸກ. ໃນເວລາໝໍເຢົາປະຕິບັດ ພິທີການ, ຜູ້ຕີກອງດິນກໍ່ຕີຄ່ອຍໆ ແບບເລື້ອຍໆ. ເມື່ອສຽງກອງດິນໄດ້ດັງກ້ອງຂຶ້ນແບບສັບໆ ກັນມາ, ໝໍເຢົາ ຈະປະຕິບັດການຂໍຊຽງຊີ. ພິທີໄຫວ້ບູຊາຂໍໃຫ້ຜົນການເພາະປູກດີຈະສິ້ນສຸດເມື່ອການຂໍຊຽນຊີໄດ້ຕົກລົງຮັບ.
ສ່ວນງານບຸນຈະໄດ້ເປີດສາກດ້ວຍຈັງຫວະຟ້ອນ ຕັກສິ່ງ ພາຍໃຕ້ການຮ່ວມສະແດງຂອງຜູ້ບ່າວຜູ້ສາວຊາວ ເຜົ່າ ຊານໄຈ ໃນຊຸດອາພອນປະຈຳເຜົ່າ. ເປັນຈັງຫວະຟ້ອນສຳລັບສະເພາະໃຫ້ແກ່ພິທີໄຫວ້ບູຊາຂໍໃຫ້ຜົນການເພາະປູກດີ, ຕັກສິ່ງ ມີບັນດາຈັງຫວະຟ້ອນທີ່ພັນລະນາເຖິງການເຄື່ອນໄຫວໃນການອອກແຮງງານ.
ເຄື່ອງເສບດົນຕີທີ່ຊາວເຜົ່າ ຊານໄຈ ໄດ້ນຳໃຊ້ໃນຈັງຫວະຟ້ອນ ຕັກສິ່ງ ແມ່ນກອງດິນ ແລະ ບັນດາທໍ່ໄມ້ທີ່ໄດ້ເຮັດຈາກໄມ້ໄຜ່, ໄມ້ເຮ້ຍ. ພິເສດແມ່ນສຽງຂອງກອງດິນໜ່ວຍໜຶ່ງທີ່ມີເສັ້ນຜ່າສູນກາງປະມານ 20 ຊັງຕີແມັດ. ເພື່ອເຮັດໄດ້ກອງໜ່ວຍນີ້, ເຂົາເຈົ້າຕ້ອງຂຸດດິນເລິກປະມານ 50 ຊັງຕີແມັດ, ກວ້າງທົບສອງເທື່ອເສັ້ນຜ່າສູນກາງຂອງ ກອງດິນ. ຖັດໄປ, ເຂົາເຈົ້າເອົາເປືອກໄມ້ອັດໃສ່ຂຸມ, ແລ້ວກາງເສັ້ນໄມ້ທ່ອນໜຶ່ງເທິງໜ້າດິນ. ຫຼັງຈາກນັ້ນ ເຂົາເຈົ້າຈຶ່ງສັກໄມ້ງ່າໜຶ່ງແຕ່ຮູກອງຕໍ່ເຂົ້າກັບສາຍມັດກອງ. ເມື່ອ ທຳພິທີ ຫຼື ຮັກສາຈັງຫວະຟ້ອນ, ຜູ້ຕີກອງຈະຕີໃສ່ສາຍ ມັດກອງ ແມ່ນຈະມີສຽງດົນຕີທີ່ແປກປະຫຼາດດັງກ້ອງຂຶ້ນ.
ພາຍຫຼັງການເຕັ້ນຟ້ອນ, ຊາວເຜົ່າ ຊານໄຈ ພ້ອມກັນຮ້ອງເພງ, ສວນສະໜາມອ້ອມບໍລິເວນເຂດຈັດພິທີ ເພື່ອສະແດງໃຫ້ເຫັນຄວາມສາມັກຄີ, ຄວາມສະໜິດຕິດພັນຂອງພໍ່ແມ່ ປະຊາຊົນໃນໝູ່ບ້ານແຫ່ງນີ້. ພິທີໄຫວ້ບູຊາຂໍໃຫ້ຜົນ ການເພາະປູກດີ ຈະສິ້ນສຸດລົງ ເມື່ອຊາວເຜົ່າ ຊານໄຈເຊີນແຂກເຂົ້າຮ່ວມໃນງານລ້ຽງແຫ່ງສາມັກຄີ, ອົບອຸ່ນ ພ້ອມກັບຄຳອວຍພອນໃຫ້ລະດູການໃໝ່ຈະໄດ້ອີ່ມໜຳສຳລານ.
ບົດ ແລະ ພາບ: ຫວຽດເກື່ອງ
