(ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ພົບປະກັບທ່ານປະທານາທິບໍດີລັດເຊຍ Vladimir Putin)

ທີ່ການພົບປະກັບທ່ານປະທານາທິບໍດີລັດເຊຍ Vladimir Putin, ການນຳ 2 ທ່ານໄດ້ເຫັນດີນຳກັນຍູ້ແຮງການຜັນຂະຫຍາຍບັນດາຂໍ້ຕົກລົງເຊິ່ງ 2 ຝ່າຍໄດ້ລົງນາມໃນບັນດາການຢ້ຽມຢາມຂັ້ນສູງເປັນທາງການລະຫວ່າງ 2 ປະເທດ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດໃຫ້ນັບມື້ນັບແທດຈິງ, ເຂົ້າສູ່ລວງເລິກ, ມີປະສິດທິຜົນ, ໂດຍສະເພາະແມ່ນໃນຂົງເຂດພະລັງງານ, ນ້ຳມັນອາຍແກັດ, ເຕັກໂນໂລຊີສູງ.

        ທີ່ການພົບປະກັບທ່ານນາຍົກລັດຖະມົນຕີອົດສະຕາລີ, ທ່ານນາຍົກລັດຖະມົນຕີອົດສະຕາລີ Scott Morrison ໄດ້ສະໜັບສະໜູນຫວຽດນາມ ດຳລົງຕຳແໜ່ງເປັນປະທານອາຊຽນ ໃນປີ 2020 ຢ່າງສຳເລັດຜົນ ແລະ ປາດຖະໜາຢາກເພີ່ມທະວີການຮ່ວມມືກັບອາຊຽນ (ກົນໄກອາຊຽນ + 1) ກວ່າອີກ. ການນຳ 2 ທ່ານໄດ້ແບ່ງປັນກ່ຽວກັບບັນດາບັນຫາສາກົນ ແລະ ພາກພື້ນທີ່ຕ່າງຝ່າຍມີຄວາມສົນໃຈ, ໃນນັ້ນມີເລື່ອງປັບປຸງສັນຕິພາບ, ສະຖຽນລະພາບ, ຄວາມເສລີໃນການເດີນເຮືອຢູ່ທະເລ ແລະ ການບິນຢູ່ພາກພື້ນ…

        ທີ່ການພົບປະກັບນາຍົກລັດຖະມົນຕີເຢຍລະມັນ, ການນຳ 2 ທ່ານໄດ້ຢືນຢັນຄຳໝັ້ນສັນຍາກສືບຕໍ່ຜັນຂະຫຍາຍບັນດາມາດຕະການເພີ່ມທະວີການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ - ເຢຍລະມັນ ຢ່າງແຮງກວ່າ ແລະ ນັບມື້ນັບໄດ້ຮັບການເປີດກ້ວາງ, ເຂົ້າສູ່ລວງເລິກ, ແທດຈິງກວ່າໃນໄລຍະຈະມາເຖິງ.

        ນອກນັ້ນ, ທ່ານນາຍົກລັດຖະມົນຕີຫວຽດນາມ ຫວຽນຊວນຟຸກ ຍັງໄດ້ມີການພົບປະກັບປະທານາທິບໍດີສ.ເກົາຫຼີ; ປະທານທະນາຄານໂລກ; ປະທານທະນາຄານພັດທະນາອາຊີ; ເລຂາທິການໃຫຍ່ສະຫະປະຊາຊາດ ເຊັ່ນດຽວກັນ.

(ແຫຼ່ງຄັດຈາກ VOV)