ນິງທ້ວນເຊີດຊູຜະລິດຕະຜັນທີ່ເປັນເອກະລັກສະເພາະ
(ພາບ: baoninhthuan.com.vn)
ຕອນຄ່ຳວັນທີ 30/03, ຄະນະກຳທະການປະຊາຊົນແຂວງນິງທ້ວນ ໄດ້ໄຂງານວາງສະແດງຜົນງານ 25 ປີແຫ່ງການພັດທະນາເສດຖະກິດ, ສັງຄົມ ແລະ ເຊີດຊູຜະລິດຕະພັນທີ່ເປັນເອກະລັກສະເພາະ 8 ຢ່າງ. ເຂົ້າຮ່ວມງານວາງສະແດງມີ 27 ຫົວໜ່ວຍຂຶ້ນກັບບັນດາພະແນກ, ຂະແໜງການ ແລະ ທ້ອງຖິ່ນຕ່າງໆໃນບໍລິເວນແຂວງ. ຜ່ານງານວາງສະແດງ, ນິງທ້ວນຢາກ ແນະນຳບັນດາຄວາມສາມາດບົ່ມຊ້ອນ, ທ່າແຮງ ແລະ ບັນດາຜົນງານໃໝ່ໃນການພັດທະນາ ແລະ ເຊື່ອມໂຍງເຂົ້າກັບສາກົນເຖິງປະຊາຊົນ ແລະ ແຂກສາກົນ, ບັນດາຄູ່ຮ່ວມມືລົງທຶນ, ວິສາຫະກິດຢູ່ພາຍໃນ ແລະ ຕ່າງປະເທດ. ເນື່ອງໃນໂອກາດນີ້, ແຂວງນິງທ້ວນ ກໍ່ເຊີດຊູຜະລິດຕະພັນທີ່ເປັນເອກະລັກສະເພາະ 8 ຢ່າງຂອງແຂວງຄື: ບັນດາໝາກໄມ້ (ໝາກອະງຸ່ນ, ໝາກໂປມ); ແນວພັນສັດລ້ຽງ (ແບ້, ແກະ, ກຸ້ງ), ຜັກທຽມ ຟານຢາງ, ບັນດາຜະລິດຕະພັນຫັດຖະກຳ (ເຄື່ອງແພພື້ນເມືອງ ມິ້ຫງຽບ, ເຄື່ອງປັ້ນດິນເຜົາ ເບົ່າຈຸ໋ກ). ບັນດາຜະລິດຕະພັນທີ່ເປັນເອກະລັກສະເພາະຂອງແຂວງ ໄດ້ປະກອບສ່ວນເຂົ້າໃນການພັດທະນາເສດຖະກິດ, ສັງຄົມຂອງແຂວງຫຼາຍພໍສົມຄວນ ນັບແຕ່ມື້ສ້າງຕັ້ງແຂວງມາຮອດປະຈຸບັນ.
(ພາບ: baoninhthuan.com.vn)
(ແຫຼ່ງຄັດຈາກ VOV)
