ຂ່າວສານ

ຫວຽດນາມ ເຂົ້າຮ່ວມກອງປະຊຸມຄະນະກຳມະການປະສານງານການເຊື່ອມຈອດອາຊຽນ

20/04/2022

ກອງປະຊຸມໄດ້ຮັບຮູ້ ແລະ ຕີລາຄາສູງຄວາມຄືບໜ້າຢ່າງຕັ້ງໜ້າໃນການຜັນຂະຫຍາຍທັງ 5 ຂົງເຂດຍຸດທະສາດ ແລະ 14 / 15 ຂໍ້ລິເລີ່ມ ຂອງແຜນການສັງລວມການເຊື່ອມຈອດ ອາຊຽນ 2025 (MPAC 2025).

ບັນດາຜູ້ແທນໄດ້ເຂົ້າຮ່ວມກອງປະຊຸມຄັ້ງທຳອິດຂອງ ຄະນະກຳມະການປະສານງານການເຊື່ອມຈອດອາຊຽນ

ວັນທີ 18 ເມສາ, ທ່ານເອກອັກຄະລັດຖະທູດ ຫງວຽນຫ໋າຍບັ່ງ, ຫົວໜ້າຄະນະຜູ້ແທນຫວຽດນາມ ປະຈຳ ອາຊຽນ ໄດ້ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຄັ້ງທຳອິດໃນປີ 2022 ຂອງ ຄະນະກຳມະການປະສານງານການເຊື່ອມຈອດ ອາຊຽນ (ACCC 1/2022) ຢູ່ສຳນັກງານຄະນະເລຂາອາຊຽນ ຢູ່ ຈາກາຕາ (ອິນໂດເນເຊຍ). ກອງປະຊຸມໄດ້ຮັບຮູ້ ແລະ ຕີລາຄາສູງຄວາມຄືບໜ້າຢ່າງຕັ້ງໜ້າໃນການຜັນຂະຫຍາຍທັງ 5 ຂົງເຂດຍຸດທະສາດ ແລະ 14 / 15 ຂໍ້ລິເລີ່ມ ຂອງແຜນການສັງລວມການເຊື່ອມຈອດ ອາຊຽນ 2025 (MPAC 2025). ໃນເວລາຈະມາເຖິງ, ອາຊຽນຈະສຸມແຫຼ່ງກຳລັງ, ຂົນຂວາຍບັນດາຄູ່ຮ່ວມມືເຂົ້າຮ່ວມການໜູນຊ່ວຍ ແລະ ຊຸກຍູ້ບັນດາໂຄງການໃນຂົງເຂດຍຸດທະສາດ. ລະອຽດແມ່ນ, ອາຊຽນ ຈະໃຫ້ບຸລິມະສິດຜັນຂະຫຍາຍ ຫຼື ສືບຕໍ່ໝາກຜົນຂອງໂຄງການ ກ່ຽວກັບການຕີລາຄາອະນາຄົດ ຂອງ ພື້ນຖານໂຄງລ່າງແບບຍືນຍົງ ແລະ ບັນດາບຸລິມະສິດຫຼັງໂຄວິດ - 19, ສ້າງ ຖານຂໍ້ມູນ ກ່ຽວກັບເສັ້ນທາງການຄ້າ…

ນອກຈາກນັ້ນ, ນອກຈາກນັ້ນ, ກອງປະຊຸມກໍ່ເນັ້ນໜັກເຖິງຄວາມຈຳເປັນເພີ່ມທະວີການໂຄສະນາ, ເຜີຍແຜ່ຂໍ້ມູນໃນວົງກ້ວາງ ກ່ຽວກັບເນື້ອໃນ ແລະ ຜົນປະໂຫຍດຂອງ MPAC 2025, ສືບຕໍ່ຊຸກຍູ້ຍຸດທະສາດສື່ສານຂອງ MPAC 2025 ໃນປີ 2022.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.