• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຫວຽດນາມຫງວຽນຊວັນຟຸກ ເຂົ້າຮ່ວມກອງປະຊຸມສຸດຍອດ G20 ທາງອອນລາຍ

      ກອງປະຊຸມສຸດຍອດ G20 ທາງອອນລາຍໄດ້ດຳເນີນໃນລະຫວ່າງແຕ່ວັນທີ 21 – 22 ພະຈິກ ໂດຍມີການເຂົ້າຮ່ວມຂອງການນຳ 20 ພື້ນຖານເສດຖະກິດແຖວໜ້າໂລກບາງປະເທດແຂກຖືກເຊີນ ພ້ອມກັບຜູ້ຕາງໜ້າຫຼາຍອົງການຈັດຕັ້ງສາກົນເພື່ອແນໃສ່ສົມທົບນະໂຍບາຍທົ່ວໂລກ ຮັບມືກັບໂລກລະບາດ ໂຄວິດ - 19 ແລະ ຊຸກຍູ້ການຟື້ນຟູເສດຖະກິດແບບຍືນຍົງສົມດຸນແລະ ກວມລວມ.

ທ່ານນາຍົກລັດຖະມົນຕີ ຫວຽດນາມຫງວຽນຊວັນຟຸກ ເຂົ້າຮ່ວມກອງປະຊຸມສຸດຍອດ G20 ທາງອອນລາຍ (ພາບ: VGP) 
      ເຂົ້າຮ່ວມວາລະປຶກສາຫາລືທຳອິດດ້ວຍຫົວຂໍ້ວ່າ “ຜ່ານຜ່າໂລກລະບາດ, ຟື້ນຟູການເຕີບໂຕ ແລະ ວຽກເຮັດງານທຳ” ທີ່ໄດ້ຈັດຂຶ້ນໃນວັນທີ 21 ພະຈິກ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເນັ້ນໜັກວ່າ ຕ້ອງເພີ່ມທະວີການສົມທົບນະໂຍບາຍທົ່ວໂລກ, ສາມັກຄີກັນກະທຳ ແລະ ຍົກສູງການຮ່ວມມືຫຼາຍຝ່າຍ ເພື່ອຍູ້ໂລກລະບາດໂຄວິດ - 19 ໃຫ້ຖອຍໄປ, ໃນນັ້ນຕີລາຄາສູງບັນດາໝາກຜົນສຳຄັນໃນການປ້ອງກັນ, ສະກັດກັ້ນໂລກລະບາດໂຄວິດ - 19 ຂອງບັນດາປະເທດ G20, ເປັນຕົ້ນແມ່ນການຊຸກຍູ້ການສົມທົບນະໂຍບາຍມະຫາພາກໃນການຟື້ນຟູເສດຖະກິດ. ທ່ານນາຍົກລັດຖະມົນຕີ ໄດ້ຢັ້ງຢືນວ່າ: ຫວຽດນາມ ໃນຖານະເປັນປະທານອາຊຽນ 2020, ໄດ້ພ້ອມກັບບັນດາປະເທດອາຊຽນ ແລະ ຄູ່ຮ່ວມມື ເຊີດຊູຈິດໃຈ “ສະໜິດຕິດພັນ ແລະ ເປັນເຈົ້າການຮັບມື”, ປະຕິບັດບັນດາມາດຕະການຮັບມືກັບໂລກລະບາດໂຄວິດ - 19, ຟື້ນຟູເສດຖະກິດ, ຮັກສາທ່າຮ່ວມມືໃນການສ້າງປະຊາຄົມອາຊຽນ 2025 ຢ່າງແຮງ. ທ່ານກໍ່ສະເໜີໃຫ້ບັນດາປະເທດ G20 ສ້າງຂໍ້ຕົກລົງຜະລິດ ວັກຊີນກັບບັນດາຄູ່ຮ່ວມມືໃນທົ່ວໂລກຜ່ານການຖ່າຍທອດເຕັກໂນໂລຢີພ້ອມກັບການປົກປ້ອງ ສິດຊັບສິນທາງປັນຍາ ຜ່ານນັ້ນຍູ້ໄວວິວັດແຫ່ງການຜະລິດ ແລະ ແຈກຢາຍວັກຊີນໃນວົງກ້ວາງ.
 (ແຫຼ່ງຄັດຈາກ VOV)

Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ)

Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ)

ດ້ວຍຈຳນວນເຮືອບິນກ່ວາ 105 ລຳ ແລະ ຈຳນວນຜູ້ໂດຍສານເພີ່ມຂຶ້ນຢ່າງຕໍ່ເນື່ອງໃນແຕ່ລະປີ, Vietjet ພວມຕັ້ງໜ້າເປີດກ້ວາງສາຍການບິນອອກສູ່ບັນດາທະວີບ, ພັດທະນາຈຸບິນໃໝ່ ແລະ ທັນສະໄໝ ພ້ອມກັບຄູ່ຮ່ວມມືຍຸດທະສາດ.

Top