ຂ່າວສານ

ທ່ານນາຍົກລັດຖະມົນຕີ ຫງວຽນຊວນຝຸກ ເຂົ້າຮ່ວມພິທີເປີດຕົວລະບົບຖານຂໍ້ມູນແຫ່ງຊາດກ່ຽວກັບຊຸມຊົນ

26/02/2021

ຕອນບ່າຍວັນທີ 25 ກຸມພາ, ຢູ່ ຮ່າໂນ້ຍ ກະຊວງຕຳຫລວດຫວຽດນາມ ໄດ້ຈັດຕັ້ງພິທີເປີດຕົວລະບົບຖານຂໍ້ມູນແຫ່ງຊາດກ່ຽວກັບຊຸມຊົນ ແລະ ໂຄງການຜະລິດ ສະຫນອງ ແລະ ຄຸ້ມຄອງບັດປະຈຳຕົວ.

ທ່ານນາຍົກລັດຖະມົນຕີ ຫງວຽນຊວນຝຸກ ກ່າວຄຳເຫັນທີ່ພິທີ. ພາບ:VGP

ກ່າວຄຳເຫັນນະພິທີ, ທ່ານນາຍົກລັດຖະມົນຕີ ຫງວຽນຊວນຝຸກ ຍ້ອງຍໍບັນດາຄວາມມານະພະຍາຍາມຂອງກະຊວງຕຳຫລວດໃນການກໍ່ສ້າງຖານຂໍ້ມູນດັ່ງກ່າວ ແລະ ຕີລາຄາວ່າ ເລື່ອງເປີດຕົວຖານຂໍ້ມູນແຫ່ງຊາດກ່ຽວກັບຊຸມຊົນ ແມ່ນຂີດໝາຍສຳຄັນໃນວິວັດການສ້າງລັດຖະບານ ເອເລັກໂຕນິກ ມຸ່ງໄປເຖິງລັດຖະບານ ເສດຖະກິດ ດີຈີຕອນ ສັງຄົມດີຈີຕອນ ຊ່ວຍປ່ຽນໃຫມ່ການຄຸ້ມຄອງຊຸມຊົນຕາມທິດທັນສະໄຫມ ຕອບສະຫນອງຄວາມຕ້ອງການເຊື່ອມໂຍງເຂົ້າກັບສາກົນ. ພວກເຮົາເຊື່ອໝັ້ນວ່າ ຖານຂໍ້ມູນແຫ່ງຊາດກ່ຽວກັບຊຸມຊົນ ຈະປະກອບສ່ວນເຂົ້າໃນສະພາບແວດລ້ອມແຫ່ງການລົງທຶນດຳເນີນທຸລະກິດຢ່າງສະດວກໃຫ້ແກ່ປະຊາຊົນ ແລະ ວິສາຫະກິດ, ຫລຸດຜ່ອນລາຍຈ່າຍໃຫ້ເຂົາເຈົ້າ ປະກອບສ່ວນຍົກສູງສະມັດຕະພາບແຮງງານຫວຽດນາມ ປະກອບສ່ວນສຳຄັນເຂົ້າໃນຍຸດທະສາດດີຈີຕອນແຫ່ງຊາດຂອງຫວຽດນາມ.

(ແຫຼ່ງຄັດຈາກ VOV)

ການນຳພັກ, ລັດ ອາໄລຫາບັນດານັກຮົບເສຍສະຫຼະຊີວິດເພື່ອຊາດ ແລະ ເຂົ້າຄຳນັບສຸສານ ປະທານ ໂຮ່ຈີມິນ

27/07/2024
ຂ່າວສານ

ດ້ວຍຄວາມເຄົາລົບນັບຖື ແລະ ຄວາມຮູ້ບຸນຄຸນຢ່າງລົ້ນເໜືອ, ຄະນະຜູ້ແທນໄດ້ກົ້ມຫົວອາໄລຫາບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດ, ລູກຜູ້ດີເດັ່ນຂອງຊາດທີ່ໄດ້ເສຍສະຫຼະຊີວິດເພື່ອບ້ານເກີດເມືອງນອນ, ເພື່ອປະເທດຊາດ.