ຕອນຄ່ຳວັນທີ 30 ພະຈິກ, ທີ່ນະຄອນ Pleiku, ແຂວງ ຢາລາຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ເຂົ້າຮ່ວມພິທີໄຂງານ Festival ວັດທະນະທຳຄ້ອງ ປີ 2018.
ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ (ພາບ: VGP)
ເລື່ອງອະນຸລັກຮັກສາ, ເສີມຂະຫຍາຍຄຸນຄ່າວັດທະນະທຳຄ້ອງກໍ່ແມ່ນການອະນຸລັກຮັກສາ, ພັດທະນາຄຸນຄ່າທີ່ເປັນເອກະລັກສະເພາະຂອງວັດທະນະທຳພື້ນເມືອງເຂດ ໄຕງວຽນ. ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ:
ພັກ, ລັດໄດ້ຝາກຝັງພາລະກຳຮັກສາວັດທະນະທຳຄ້ອງ ໄຕງວຽນ ໄວ້ກັບວົງຄະນະຍາດບັນດາເຜົ່າ ແລະ ພໍ່ແມ່ປະຊາຊົນເຂດ ໄຕງວຽນ. ອະນຸລັກຮັກສາລະບົບຊີວະພາບ ແລະ ເສີມຂະຫຍາຍບັນດາຄຸນຄ່າວັດທະນະທຳພື້ນເມືອງເຂດ ໄຕງວຽນ ກໍ່ແມ່ນການຮັກສາສະພາບແວດລ້ອມວັດທະນະທຳຕີຄ້ອງຂອງເຂດ ໄຕງວຽນ ໃຫ້ຍືນຍົງຄົງຕົວ. ບໍ່ມີຜູ້ໃດປະຕິບັດວຽກນີ້ໄດ້ດີກ່ວາພໍ່ແມ່ປະຊາຊົນຢູ່ທີ່ນີ້.
ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ: ເຂດ ໄຕງວຽນ ຕ້ອງເປັນສັນຍາລັກໃຫ້ແກ່ການພັດທະນາການທ່ອງທ່ຽວ ຫວຽດນາມ ເຂັ້ມຂຸ້ນໄປດ້ວຍສີສັນແຫ່ງເທບນິຍາຍ ແລະ ມໍລິດົກ ອາຊີ ໃນສະຕະວັດທີ 21.
(ແຫຼ່ງຄັດຈາກ VOV)