07/10/2021 08:55 GMT+7 Email Print Like 0

ຫວຽດ​ນາມ ເຂົ້າ​ຮ່ວມກອງ​ປະ​ຊຸມ​ຂອງ ສະ​ພາ​ຄວາ​ມ​ໝັ້ນ​ຄົງ ສ​ປ​ຊ ກ່ຽວ​ກັບ ສ​ະ​ພາບ​ຄວາ​ມ​ໝັ້ນ​ຄົງ ຢູ່ສາ​ທາ​ລະ​ນະ​ລັດ ກົງ​ໂກ ແລະ ພູ​ພຽງໂກ​ແລນ

 ວັນທີ 05 ຕຸລາ, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມກ່ຽວກັບສະພາບການຢູ່ສາທາລະນະລັດ ປະຊາທິປະໄຕ ກົງໂກ ແລະ ການເຄື່ອນໄຫວຂອງ ຄະນະປະຕິບັດງານຂອງ ສປຊ ປະຈຳປະເທດນີ້ (MONUSCO).
ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ (ພາບ: TTXVN)

ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ສະແດງຄວາມວິຕົກກັງວົນກ່ຽວກັບສະພາບຄວາມໝັ້ນຄົງ ແລະ ມະນຸດສະທຳທີ່ນັບມື້ນັບສັບສົນຂຶ້ນຕື່ມຢູ່ພາກຕາເວັນອອກ  ກົງໂກ. ທ່ານເອກອັກຄະລັດຖະທູດ ຮຽກຮ້ອງໃຫ້ປະຊາຄົມສາກົນ ຊ່ວຍເຫຼືອປະຊາຊົນ ກົງໂກ, ໃນຕໍ່ໜ້າແມ່ນເພື່ອຮັບມືກັບສິ່ງທ້າທາຍຈາກໂລກລະບາດໂຄວິດ - 19 ແລະ ຮັບປະກັນໃຫ້ປະຊາຊົນໄດ້ຮັບວັກຊິນ. ທ່ານເອກອັກຄະລັດຖະທູດ ເນັ້ນໜັກວ່າ ການເພີ່ມທະວີຄວາມມານະພະຍາຍາມຮ່ວມມືໃນພາກພື້ນ ເພື່ອແນໃສ່ໜູນຊ່ວຍການແກ້ໄຂຕົ້ນເຫດຂອງການປະທະກັນຢູ່ພາກຕາເວັນອອກ ກົງໂກ, ສຸມໃສ່ການຮັບມືກັບການເຄື່ອນໄຫວຂອງອາດຊະຍາກຳຂອງກຸ່ມປະກອບອາວຸດ, ຄຸ້ມຄອງການຂຸດຄົ້ນ ແລະ ການຄ້າຂາຍຊັບພະຍາກອນທຳມະຊາດ, ຊຸກຍູ້ການໄກ່ເກ່ຍລະຫວ່າງວົງຄະນະຍາດຊຸມຊົນ.

        ໃນວັນດຽວກັນ, ຫວຽດນາມ ກໍໄດ້ເຂົ້າຮ່ວມກອງປະຊຸມປຶກສາຫາລືປະກອບຄຳເຫັນປິດ ປະຈຳໄລຍະຂອງ ສະພາຄວາມໝັ້ນຄົງ, ສປຊ ກ່ຽວກັບສະພາບການຢູ່ ພູພຽງ ໂກແລນ.

(ແຫຼ່ງຄັດຈາກ VOV)