02/04/2020 08:21 GMT+7 Email Print Like 0

ຫວຽດນາມ - ຍີ່ປຸ່ນເພີ່ມທະວີການຮ່ວມມືປ້ອງກັນ, ສະກັດກັ້ນໂລກລະບາດ Covid -19

      ວັນທີ 31 ມີນາ, ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ໄດ້ ໂອ້ລົມທາງໂທລະສັບກັບທ່ານ Motegi Toshimitsu ລັດຖະມົນຕີກະຊວງການຕ່າງປະເທດ ຍີ່ປຸ່ນ, ແລກປ່ຽນກ່ຽວກັບການຮ່ວມມືໃນສະພາບການໂລກລະບາດ Covid -19 ສືບຕໍ່ມີການຜັນແປຢ່າງສັບສົນ.

ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ
(ພາບ: ກະຊວງການຕ່າງປະເທດ ຫວຽດນາມ)
      ທ່ານຮອງນາຍົກລັດຖະມົນຕີ ຕີລາຄາສູງຕໍ່ການໜູນຊ່ວຍຂອງຍີ່ປຸ່ນທີ່ສະຫງວນໃຫ້ແກ່ຫວຽດນາມໃນການປ້ອງກັນ, ສະກັດກັ້ນໂລກລະບາດ Covid - 19, ສະເໜີໃຫ້ລັດຖະບານຍີ່ປຸ່ນ ສືບຕໍ່ເອົາໃຈໃສ່ໜູນຊ່ວຍປະຊາຄົມຊາວຫວຽດນາມອາໄສຢູ່ ຍີ່ປຸ່ນໃນການປ້ອງກັນ, ສະກັດກັ້ນໂລກລະບາດ.
          ສ່ວນທ່ານ Motegi Toshimitsu ລັດຖະມົນຕີກະຊວງການຕ່າງປະເທດ ຍີ່ປຸ່ນ ກໍ່ຕີລາຄາສູງບັນດາມາດຕະການຢ່າງຂ້ຽວຂາດທີ່ຫວຽດນາມໄດ້ປະຕິບັດເພື່ອປ້ອງກັນ, ສະກັດກັ້ນໂລກລະບາດ Covid - 19, ພ້ອມທັງສະແດງຄວາມຂອບໃຈລັດຖະບານ ຫວຽດນາມໄດ້ເອົາໃຈໃສ່, ຮັບປະກັນຄວາມປອດໄພໃຫ້ແກ່ຊາວຍີ່ປຸ່ນ 20.000 ຄົນ ທີ່ພວມດຳລົງຊີວິດ, ເຮັດວຽກຢູ່ ຫວຽດນາມ, ຢັ້ງຢືນວ່າ ລັດຖະບານຍີ່ປຸ່ນ ຈະມານະພະຍາຍາມຈົນສຸດຄວາມສາມາດຂອງຕົນເພື່ອຮັບປະກັນຄວາມປອດໄພໃຫ້ແກ່ປະຊາຄົມຊາວຫວຽດນາມທີ່ຢູ່ຍີ່ປຸ່ນ.
 (ແຫຼ່ງຄັດຈາກ VOV)