(ທ່ານນາງ ດັ້ງທິບິ໋ກລຽນ, ຮອງລັດຖະມົນຕີ
ກະຊວງວັດທະນະທຳ, ກິລາ ແລະ ທ່ອງທ່ຽວກ່າວຄຳເຫັນທີ່ກອງປະຊຸມ)
ຕອນເຊົ້າວັນທີ 17/08, ຢູ່ຮ່າໂນ້ຍ, ກົມໃຫຍ່ທ່ອງທ່ຽວ, ກະຊວງວັດທະນະທຳກິລາ ແລະ ທ່ອງທ່ຽວຈັດຕັ້ງກອງປະຊຸມສຳມະນາ “ຫວຽດນາມ: ມຸ່ງໄປເຖິງການທ່ອງທ່ຽວແບບຍືນຍົງໃນສັງກາດປ່ຽນແປງຂອງດິນຟ້າອາກາດ” ດ້ວຍການເຂົ້າຮ່ວມຂອງຜູ້ແທນ 200 ທ່ານ. ກອງປະຊຸມຖືກດຳເນີນດ້ວຍການໜູນຊ່ວຍດ້ານເຕັກນິກຂອງໂຄງການພັດທະນາກຳລັງຄວາມສາມາດດ້ານການທ່ອງທ່ຽວທີ່ມີຄວາມຮັບຜິດຊອບຕໍ່ສິ່ງແວດລ້ອມ ແລະ ສັງຄົມ (ໂຄງການ EU – ESRT, ໂດຍສະຫະພາບເອີລົບ ອຸປະຖຳ). ເປົ້າໝາຍຂອງກອງປະຊຸມແມ່ນເພື່ອແນໃສ່ເພີ່ມທີຄວາມເອົາໃຈໃສ່ຂອງບັນດາສຳນັກງານ, ອົງການຈັດຕັ້ງສາກົນກ່ຽວກັບການປ່ຽນແປງຂອງດິນຟ້າອາກາດສຳລັບການເຄື່ອນໄຫວທ່ອງທ່ຽວ… ກ່າວຄຳເຫັນທີ່ກອງປະຊຸມ, ທ່ານນາງ ດັ້ງທິບິ໋ກລຽນ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ໃຫ້ຮູ້ວ່າ.
“ຂະແໜງທ່ອງທ່ອງທ່ຽວຫວຽດນາມ ຍັງພວມຮັກສາໄດ້ລະດັບການພັດທະນາໄວສົມຄວນຢູ່, ແຕ່ວ່າຍັງຊ້ອນແຟ້ງສິ່ງທ້າທາຍສຳລັບການພັດທະນາ, ພິເສດແມ່ນກຳລັງຄວາມສາມາດໃນການແກ່ງແຍ້ງຂອງສະຖານທີ່ທ່ອງທ່ຽວ ແລະ ລັກສະນະຍື່ນຍົງຂອງການພັດທະນາການທ່ອງທ່ຽວ. ໃນຕົວຈິງ, ການພັດທະນາຂະແໜງທ່ອງທ່ຽວໃນໄລຍະຜ່ານມາໄດ້ຊີ້ໃຫ້ເຫັນວ່າ, ຕ້ອງມີການສົມທົບກັນລະຫວ່າງຂະແໜງ ແລະ ລະຫວ່າງເຂດ. ສະນັ້ນ, ຕ້ອງສ້າງຕັ້ງບັນດາຮູບແບບເຄື່ອນໄຫວຢ່າງມີປະສິດທິຜົນ ເພື່ອແນໃສ່ສົ່ງເສີມການເຂົ້າຮ່ວມຂອງທົ່ວສັງຄົມ ພາຍໃຕ້ການຄຸ້ມຄອງເປັນເອກະພາບຂອງລັດ, ປະກອບສ່ວນຍົກສູງປະສິດທິຜົນທາງດ້ານເສດຖະກິດ - ສັງຄົມ, ປົກປັກຮັກສາຊັບພະຍາກອນ ແລະ ສິ່ງແວດລ້ອມ”.
(ແຫຼ່ງຄັດຈາກ VOV)
