ຊອກຫາມາດຕະການປະຕິບັດບັນດາສັນຍາ EVFTA ແລະ EVIPA ຢ່າງມີປະສິດທິຜົນ
ວັນທີ 8 ຕຸລາ, ຄະນະຊີ້ນຳການເຊື່ອມໂຍງສາກົນແຂວງ ກາເມົາ ໄດ້ສົມທົບກັບຫ້ອງການການຄ້າ ແລະ ອຸດສາຫະກຳ ຫວຽດນາມ, ສາຂາ ເກີ່ນເທີ (VCCI ເກີ່ນເທີ) ຈັດຕັ້ງກອງປະຊຸມຫົວເລື່ອງສະເພາະ “EVFTA ແລະ EVIPA - ກາລະໂອກາດ, ສິ່ງທ້າທາຍ ແລະ ມາດຕະການປະຕິບັດຢ່າງມີປະສິດທິຜົນ”.
ກອງປະຊຸມຫົວເລື່ອງສະເພາະ “EVFTA ແລະ EVIPA - ກາລະໂອກາດ, ສິ່ງທ້າທາຍ ແລະ ມາດຕະການປະຕິບັດຢ່າງມີປະສິດທິຜົນ” (ພາບ: baoanhdatmui.vn)
ຢູ່ທີ່ນີ້, ບັນດາຜູ້ແທນກໍແນະນຳ ແລະ ໄຈ້ແຍກໂດຍສັງເຂບບັນດາຜົນກະທົບຂອງໂລກລະບາດໂຄວິດ - 19 ຕໍ່ພື້ນຖານເສດຖະກິດທົ່ວໂລກເວົ້າລວມ ແລະ ຫວຽດນາມ ເວົ້າສະເພາະ; ຜົນປະໂຫຍດຂອງ ພື້ນຖານເສດຖະກິດເມື່ອເຂົ້າຮ່ວມບັນດາສັນຍາການຄ້າເສລີລຸ້ນໃໝ່; ບົດບາດຂອງອຳນາດການປົກຄອງ ແລະ ການນຳທ້ອງຖິ່ນ ໃນການຈັດຕັ້ງປະຕິບັດສັນຍາ; ສະເໜີບັນດາມາດຕະການປະຕິບັດສັນຍາໃຫ້ມີປະສິດທິຜົນ…
ໄປຄຽງຄູ່ກັນນັ້ນ, ກອງປະຊຸມກໍໄດ້ຍົກອອກບັນດາຂໍ້ມູນຫຼ້າສຸດກ່ຽວກັບສະພາບການຜັນແປຂອງເສດຖະກິດໂລກ ແລະ ວິວັດການເຊື່ອມໂຍງເຂົ້າກັບສາກົນຂອງຫວຽດນາມ, ກໍຄື ກ່ຽວກັບ ສັນຍາ EVFTA ແລະ EVIPA. ຈາກນັ້ນ, ຊ່ວຍເຫຼືອບັນດາອົງການລັດ ກໍຄື ວິສາຫະກິດໃນບໍລິເວນແຂວງໃນການວາງກຳນົດນະໂຍບາຍ, ຍົກອອກບັນດາແຜນການ, ທິດທາງເໝາະສົມໃນໄລຍະຈະມາເຖິງ.
(ແຫຼ່ງຄັດຈາກ VOV)