"ភូមិកុលសម្ពន្ធ” នៅកណ្តាលកេរដំណែលពិភពលោក
ក្រោយជាង១ខែ ភាពយន្ត “Kong: Skull Island” ដាក់បញ្ចាំង នៅថ្ងៃទី១៥ ខែមេសា ឆ្នាំ២០១៧ គណកម្មាធិការគ្រប់គ្រងប្រជុំរម្មណីយដ្ឋានត្រានអាន (Trang An) បានអនុញ្ញាតបើកទ្វារភាពយន្តជាផ្លូវការ សម្រាប់បម្រើភ្ញៀវទេសចរណ៍ ជាមួយចំណុចចំណាប់អារម្មណ៍ គឺមណ្ឌលភូមិកុលសម្ពន្ធ បានបង្កើតសាឡើងវិញ ដូចសភាពដើម។ ជាពិសេសសិល្បករសម្តែងជាង៥០នាក់ ដែលចូលរួមសម្តែងជាកុលសម្ពន្ធនៅក្នុងភាពយន្ត បានអញ្ជើញមកនិងតែងខ្លួន ដើម្បីបង្កើតសាឡើងវិញ នូវរូបភាពសកម្មភាព បង្កើតបន្ថែមភាពវិសេសសម្រាប់ទីកន្លែងថតភាពយន្ត។
ប្រការនេះ ធ្វើឲ្យភ្ញៀវទេសចរណ៍កាន់តែរំភើបចូលចិត្តខ្លាំង។ នរណាក៏ចង់ “ឃើញផ្ទាល់កែវភ្នែក ប៉ះផ្ទាល់នឹងដៃ” ចំពោះ “កុលសម្ពន្ធ Hollywood” ទាំងឡាយនេះដែរ។ មនុស្សជាច្រើននៅក្នុងចំណោមនេះ មានបំណងចង់តែងខ្លួនជាអ្នកថតរូបគឺ អ្នកនាង Mason Weaver ក្នុងភាពយន្តឲ្យទាល់តែបាន ដើម្បីបានសម្រប់ខ្លួនទៅតាមធម្មជាតិ និងការដំណើរផ្សងព្រេងដ៏អស្ចារ្យនៅទីនេះ។
បរិបទភូមិកុលសម្ពន្ធនិងនាវាចម្បាំងរបស់ក្រុមរុករក បានគណកម្មាធិការគ្រប់គ្រងមណ្ឌលទេសចរណ៍ត្រានអាន (Trang An) បង្កើតសាឡើងវិញដូចនៅក្នុងភាពយន្ត Kong: Skull Island។ រូបថត៖ ត្រុងចិញ នាវាដែលធ្លាប់មានវត្តមាននៅក្នុងភាពយន្ត Kong: Skull Island បានបង្កើតសាឡើងវិញ។ រូបថត៖ កុងដាត លោកឡឺវឌិញតោន (Luu Dinh Ton) (អាយុ៥៣ឆ្នាំ) អ្នកចូលរួមសម្តែងជាមេភូមិ និងមិត្តសម្តែងម្នាក់បានតែងខ្លួនជាតួអង្គអង្គុយ នៅខាងមុខខ្ទមរបស់ខ្លួន សម្រាប់ភ្ញៀវទេសចរណ៍ថតរូបធ្វើជាអនុស្សាវរីយ៍។ រូបថត៖ ត្រុងចិញ សម្ភារប្រើប្រាស់មូលដ្ឋាន កញ្ជើ អង្រុត ទ្រូ ...។ល។ បានប្រើប្រាស់ជាឧបករណ៍សម្តែងនៅក្នុងភាពយន្ត Kong: Skull Island ក៏បានបង្កើតសាឡើងវិញដូចសភាពដើម សម្រាប់បម្រើភ្ញៀវទេសចរណ៍ទស្សនា។ រូបថត៖ កុងដាត ភូមិកុលសម្ពន្ធទាំងមូល មាន៣៦ខ្ទមដំបូលស្រួច វត្ថុធាតុសម្រាប់សាងសងឡើងវិញ មានតែដើមឫស្សី និងផ្តៅ។ រូបថត៖ វៀតកឿង ភ្ញៀវទេសចរណ៍ថតរូបភាពតាមដងផ្លូវ ដែលបានក្រាលទៅដោយឈើ ឆ្ពោះទៅកាន់ភូមិកុលសម្ពន្ធ។ រូបថត៖ តឹនសើន |
“ក្រោយពីការជ្រើសរើសទីនេះ ខ្ញុំយល់ពីបេសកកម្មរបស់ខ្លួន គឺត្រូវស្រមៃឃើញការថតភាពយន្តដូចម្តេច ពីព្រោះមិនដែលមានទេសភាពថតដ៏ធំយ៉ាងនេះ បានថតនៅប្រទេសវៀតណាម។ នេះក៏ជាបេសកកម្ម ពេលត្រូវផ្សព្វផ្សាយទាំងស្រុង នូវក្តីមោទនៈរបស់មនុស្សម្នា និងសម្រស់ទឹកដីនៅទីនេះ ទៅកាន់សកលលោក” លោក Jordan Vogt-Roberts អ្នកដឹកនាំរឿងខ្នាតធំ “Kong៖ កោះក្បាលខ្មោច” ថ្លែងសុន្ទរកថាពេលអញ្ចើញមកប្រទេសវៀតណាម ទទួលកិត្តិនាមរដ្ឋទូតទេសចរណ៍វៀតណាម ពីខែមិនា ឆ្នាំ២០១៧”។ |
ទីកន្លែងថតភាពយន្តភូមិកុលសម្ពន្ធទាំងមូល បានបង្កើតសារឡើងវិញ នៅលើផ្ទៃដីប្រហែល១០ហិកតា រួមជាមួយការចូលរួមនៃអ្នកស្រុក ដែលចូលតួជាកុលសម្ពន្ធចំនួន៥០នាក់។ ភូមិមាន៣៦ខ្ទមដំបូលស្រួច បានធ្វើអំពីឫស្សីពក់ មើលទៅមានសភាពរហស្ថានណាស់។
តាម “កុលសម្ពន្ធ” ង្វៀនហូវវ៉ាន់ (Nguyen Huu Van) ទោះបីមានវត្តមាននៅទិដ្ឋភាពថតយ៉ាងខ្លី មិនពេញ១នាទីក្នុងភាពយន្ត ប៉ុន្តែមនុស្សកុលសម្ពន្ធទាំងនេះ ត្រូវធ្វើការជាមួយក្រុមផលិតភាពយន្ត ក្នុងអំឡុងពេលវេលាជាងមួយខែ។
ប្រហែលជាបានឆ្លងកាត់វគ្គបណ្តុះបណ្តាលសិល្បករសម្តែងរយៈពេលខ្លីពីក្រុមផលិតភាពយន្ត តាំងពីពេលបោះជំហានចេញពីភាពយន្តមកកាន់ជីវភាពពិត “កុលសម្ពន្ធ” នៅទីនេះ សម្តែងយ៉ាងជំនាញនូវកាយវិការ ដូចដែលទស្សនិកជនបានទស្សនាក្នុងភាពយន្ត ធ្វើឲ្យភ្ញៀវទេសចរណ៍នរណា ក៏មានអារម្មណ៍ដូចវង្វេងចូល “ភូមិកុលសម្ពន្ធ” របស់ភាពយន្តខ្នាតធំ “Kong: Skull Island”។
ត្រានអាន (Trang An) ក្នុងកែវភ្នែកទស្សនិកជនអន្តរជាតិ
ស្ថិតនៅចម្ងាយពីក្រុងហាណូយជាង៩០គីឡូម៉ែត្រ ទៅទិសខាងត្បូង ឆ្នាំ២០១៤ ប្រជុំរម្មណីយដ្ឋានត្រានអាន (Trang An) បានអង្គការ UNESCO ទទួលស្គាល់ជាកេរដំណែលពិភពលោកចម្រុះដំបូងបង្អស់ របស់វៀតណាម និងមានតែមួយគត់នៅតំបន់អាស៊ីអាគ្នេយ៍ (រួមមានកេរដំណែលធម្មជាតិនិងកេរដំណែលវប្បធម៌)។
ក្នុងកែវភ្នែកនៃអ្នកដឹកនាំរឿងវ័យក្មេង Hollywood ដ៏ពូកែ លោក Jordan Vogt-Roberts ត្រានអាន (Trang An) អណ្តែតរំលេចលើភាពយន្ត “Kong: Skull Island” ជាមួយរូបភាពជ្រលងភ្នំអាថ៌កំបាំង ប្រព័ន្ធភ្នំថ្មកំបោលដេរដាស់ ភាពរហស្ថាន និងមានកម្លាំងទាក់ទាញយ៉ាងអស្ចារ្យ។
ប្រជុំរម្មណីយដ្ឋានត្រានអាន (Trang An) ដោយមានផ្ទៃដីចំនួន២១៦៨ហិកតាបង្កប់តម្លៃលេចធ្លោសកលលោក ស្តីពីការកកើតភូគព្ភ ភូមិសណ្ឋាន បុរាណវត្ថុ និងវិចិត្រ ទើបបានអង្គការ UNESCO ទទួលស្គាល់ជាកេរដំណែលវប្បធម៌ និងធម្មជាតិពិភពលោក។ រូបថត៖ តឹតសើន ចាកពីកំពង់ទូក ភ្ញៀវទេសចរណ៍លេងកម្សាន្តក្នុងមណ្ឌលជីវចម្រុះត្រានអាន(Trang An) ។ រូបថត៖ ថុងថៀន ភ្ញៀវទេសចរណ៍គយគន់មើលព្រៃភ្នំសព្វសត្វ ដែលបន្ទោលស្រមោលចុះតាមដងជ្រោះតូចព័ទ្ធពេន តភ្ជាប់គុហា ជ្រលងភ្នំរហស្ថាន ក្នុងមណ្ឌលជីវចម្រុះត្រានអាន (Trang An)។ រូបថត៖ ថុងថៀន មណ្ឌលទេសចរណ៍ជីវចម្រុះត្រានអាន (Trang An) ជាមណ្ឌលព្រៃភ្នំប្រើប្រាស់ពិសេស ជាមួយជ្រលងភ្នំ ព្រែកប្រឡាយ សម្រប់ស្រប់នឹងគ្នា។ មានតែគយគន់ផ្ទាល់ភ្នែកនូវទិដ្ឋភាពទូទៅទីនេះ ភ្ញៀវទេសចរណ៍ទើបមានចំណាប់អារម្មណ៍ ហើយប្រដូចត្រានអាន (Trang An) ដូចជាឈូងសមុទ្រហាឡុង (Ha Long) លើដីគោក។ រូបថត៖ ត្រុងចិញ |
ទូទៅ “Kong: Skull Island tour” ក៏បានបង្កើតដោយក្រុមហ៊ុនទេសចរណ៍វៀតណាម និងអន្តរជាតិ ទាក់ទាញការយកចិត្តទុកដាក់យ៉ាងខ្លាំង ពីសំណាក់ភ្ញៀវទេសចរណ៍នៅក្នុងនិងក្រៅប្រទេស។ ក្រុមហ៊ុនទេសចរណ៍វៀតណាមមួយចំនួន បើកដំណើរទេសចរណ៍ថ្មី ទទួលភ្ញៀវអន្តរជាតិមកទស្សនាទីកន្លែងថតភាពយន្ត “Kong: Skull Island” ក្រោយពេលភាពយន្តខ្នាតធំនេះ ដាក់បញ្ចាំងមួយថ្ងៃ។
សម្រស់រហស្ថាន កាលពីដើមត្រានអាន (Trang An) - និញប៊ិញ (Ninh Binh) ល្បីឈ្មោះតាំងពីយូរមក ហើយគួបផ្សំជាមួយភាពល្បីល្បាញរបស់ភាពយន្ត Hollywood “Kong: Skull Island” ដែលជាផលិតផលទំនើបពិសេស Hollywood បានថតលើកដំបូងបង្អស់នៅប្រទេសវៀតណាម បានបើកចេញវិស័យទេសចរណ៍និញប៊ិញនិយាយដោយឡែក និងទេសចរណ៍វៀតណាមនិយាយរួម នៅឱកាសថ្មីមួយ ដែលមានភាពរីកចម្រើនច្រើនទៅអនាគត។
“តាមដានជើង Kong” នៅលើដីលិចទឹកវឹនឡុង (Van Long)
ក្រោយពេលភាពយន្តខ្នាតធំ “Kong: Skull Island” បានដាក់បញ្ចាំងលើកញ្ចក់ភាពយន្ត អមដោយទេសភាពស្អាត ដែលធ្លាប់ជាទីកន្លែងចំណាប់អារម្មណ៍ នៃតំបន់ទេសចរណ៍ភាគខាងជើងដូចជា៖ ត្រានអាន (Trang An) ហាឡុង (Ha Long) ...។ល។ ឈ្មោះវឹនឡុង (Van Long) បានក្លាយជាកន្លែងធ្លាប់ស្គាល់មួយរំពេច ហើយបង្កើតភាពចំណូលចិត្ត ចំពោះទស្សនិកជនជាងពេលណាទាំងអស់។ មណ្ឌលអភិរក្សធម្មជាតិលិចទឹកធំបំផុត នៅតំបន់វាលទំនាបភាគខាងជើងនេះ បានប្រើប្រាស់ស្ទើរទាំងអស់ធ្វើជាបរិបទទិដ្ឋភាពចម្បាំងលើទឹកនៅក្នុងភាពយន្ត។ ហេតុនេះហើយ ជាមួយដំណើរចំន័យ “តាមដានជើង Kong” វឹនឡុង (Van Long) ជាទីកន្លែងដំបូងដែលមិនអាចរំលងបាន។
លាក់ខ្លួនក្រោមម្លប់ដងភ្នំថ្មកំបោលដ៏ធំធេង នៃមណ្ឌលអភិរក្សដីលិចទឹកវឹនឡុង (Van Long) ដំណើរទេសចរណ៍ “ភ្ញាក់ផើលវឹនឡុង (Van Long) ” បាននាំមកជូនភ្ញៀវទេសចរណ៍ ការបទពិសោធន៍ម្ហូបអាហារវៀតណាមដ៏ពិសេសនៅលើទូក “តាមដានជើង Kong”។ អណ្តែតរសាត់លើទូកតម្បាញ ធ្វើដំណើរស្វែងយល់ អំពីវឹនឡុង (Van Long) ដែលស្ថិតនៅកណ្តាលបរិយាកាសល្វឹងល្វើយនៃមេឃដី ភ្ញៀវទេសចរណ៍នឹងបានដើរជ្រែកឆ្លងកាត់គុហាអាថ៌កំបាំង គយគន់មើលស្វាក្រិសគូថសកម្រមាន និងកុកហើរឆ្វាត់ឆ្វែងពេញផ្ទៃមេឃ...។ល។
រីករាយពេញលេញជាមួយការដំណើរ “តាមដានជើង Kong” ជាទីកន្លែងមួយ ដែលភ្ញៀវទេសចរណ៍ត្រូវធ្វើដំណើរកម្សាន្តបន្ត គឺមណ្ឌលសម្រាកបំប៉ន់សុខភាពផ្កាយប្រាំ Emeralda Resort (ឃុំយ៉ាងវឹន -Gia Van ស្រុកយ៉ាវៀន - Gia Vien ខេត្តនិញប៊ិញ - Ninh Binh) ជាកន្លែងសាងសងសាឡើងវិញតាមបែបលក្ខណៈភូមិស្រុកភាគខាងជើងកាលពីសម័យបុរាណ ជាមួយសេវាកម្មស៊ីវិល័យ លំដាប់ខ្ពស់”។ ក្នុងប៉ុន្មានថ្ងៃថតនៅបឹងវឹនឡុង (Van Long) Emeralda Resort ក៏បានក្រុមផលិតភាពយន្តរបស់អ្នកដឹកនាំរឿង Jordan Vogt-Roberts ជ្រើសយកធ្វើជាទីកន្លែងសម្រាក ដោយបានកក់បន្ទប់ទាំងអស់នៃមណ្ឌល resort នេះ។
លាក់ខ្លួនពួនប្រាណក្រោមម្លប់ដងភ្នំថ្មកំបោលដ៏ធំធេង នៃមណ្ឌលអភិរក្សដីលិចទឹកវឹនឡុង (Van Long) មណ្ឌលសម្រាកបំប៉ន់សុខភាព លំដាប់ខ្ពស់ Emeralda ចំណុះឃុំយ៉ាវឹន Gia Van ស្រុកយ៉ាវៀន Gia Vien ( ខេត្តនិញប៊ិញ - Ninh Binh) ជាទីកន្លែងបានប្រៀបដូចភូមិមួយ នៅភាគខាងជើង ជាមួយបរិយាកាសបៃតងត្រជាក់ចិត្ត លាតសន្ធឹងលើផ្ទៃដី១៦ហិកតា ដោយមាន១៧២បន្ទប់សម្រាកស៊ីវិស័យ ពោរពេញលក្ខណៈស្ថាបត្យកម្មវៀតណាមសុទ្ធសាធ។ រូបថត៖ តឹតសើង ចំណុចចំណាប់អាម្មណ៍នៃមណ្ឌលសម្រាកលំដាប់ខ្ពស់ Emeralda គឹទេសភាពភូមិស្រុកភាគខាងជើងកាលពីសម័យបុរាណ ដែលបានបង្កើតសាឡើងវិញទាំងស្រុង មានទាំងស្រះឈូក អណ្តូងទឹក ទីលាន ដំបូលក្បឿងក្រហម ស៊ុមបង្អួចធ្វើអំពីឈើ...។ល។ បង្កើតជាបរិយាកាសបុរាណសម័យ។ រូបថត៖ Emeralda និញប៊ិញ (Ninh Binh)ផ្តល់ជូន មណ្ឌលសម្រាកបំប៉ន់សុខភាពមាន១៧២បន្ទប់ បានតុបតែងយ៉ាងប្រណិត ពោរពេញទៅដោយលក្ខណៈវៀតណាមសុទ្ធសាធ បំពាក់សម្ភារស្តងដារអន្តរជាតិផ្កាយប្រាំង និងជាទីកន្លែងឈប់សម្រាករបស់ក្រុមផលិតភាពយន្ត Kong: Skull Island ក្នុងអំឡុងពេលថតភាពយន្តនៅខេត្តនិញប៊ិញ (Ninh Binh)។ រូបថត៖ Emeralda និញប៊ិញ(Ninh Binh)ផ្តល់ជូន ពិសាម្ហូបអាហារនៅលើទូកចំណាស់ នៃមណ្ឌលអភិរក្សដីលិចទឹកវឹនឡុង(Van Long) ដោយមណ្ឌលសម្រាកបំប៉ុនសុខភាព Emeralda និញប៊ិញ (Ninh Binh) ជាអ្នករៀបចំ។ រូបថត៖ Emeralda និញប៊ិញ (Ninh Binh)ផ្តល់ជូន |
មណ្ឌលសម្រាកបំប៉ុនសុខភាពលំដាប់ខ្ពស់ Emeralda លាតសន្ធឹងនៅលើផ្ទៃដី១៦ហិកតា ដោយមាន១៧២បន្ទប់ស៊ីវិល័យលក្ខណៈស្ថាបត្យកម្មវៀតណាម ផ្គត់ផ្គង់បម្រើភ្ញៀវទេសចរណ៍ នូវសេវាកម្មលំដាប់ថ្នាក់ស្តង់ដារផ្កាយប្រាំង ភ្ជាប់តាមដំណើរទេសចរណ៍ស្វែងយល់ពី “តាមដានជើង Kong” ពិបាកនឹងភ្លេច។
បរិយាកាសមហស្ចារ្យ ពីស្រុកសន្តិភាព ប្លែក របស់ត្រានអាន (Trang An) បឹងវឹនឡុង (Van Long) ក្នុងដំណើរ “តាមដានជើង Kong” លើដែនដីកេរដំណែល ប្រាកដជានៅមានដំណើរមួយលើកទៀត ទោះបីភ្ញៀវទេសចរណ៍នៅក្នុងនិងក្រៅប្រទេស នរណាក៏ចង់ស្វែងយល់រុករក ពេលបោះជំហានឈានមកដល់ដែនដីកេរដំណែលនេះ។ ដែនដី "ពិសិដ្ឋបង្កើតអ្នកប្រាជ្ញា" នេះ របស់វៀតណាមនឹងមានមុខមាត់ថ្មី ក្នុងកែវភ្នែកភ្ញៀវទេសចរណ៍ ខណៈពេលទីនេះនឹងសហការគួបផ្សំវប្បធម៌លោកខាងកើត និងលោកខាងលិច ដែលពោរពេញទៅដោយភាពអាថ៌កំបាំង ទាក់ចិត្តមនុស្ស៕
អត្ថបទ៖ ថាវវី រូបថត៖ ក្លឹបថតរូបកាលៈទេសៈមាស (កាសែតរូបភាពវៀតណាម)