បានទទួលស្គាល់ជាវិចិត្រករជំនាន់ដំបូង មានការអភិវឌ្ឍសិល្បៈគំនូរសំពត់វៀតណាម វិចិត្រករ ង្វៀនធូ (Nguyen Thu) ជាវិចិត្រករម្នាក់ក្នុងចំណោមវិចិត្រករល្បីល្បាញបំផុត ក្នុងការអភិវឌ្ឍសិល្បៈគំនូរសំពត់វៀតណាម ដំណាក់កាលក្រោយបដិវត្តន៍ខែសីហា។
វិចិត្រករ ង្វៀនធូ (Nguyen Thu) ជាគ្រូបង្រៀន ជាសាស្រាចារ្យរងដំបូងរបស់វៀតណាម បង្រៀនអំពីវិចិត្រសិល្បៈ ជំនាញខាងវិស័យគំនូរសំពត់ នៅបរទេស ជាក់ស្តែងគឺនៅសកលវិទ្យាល័យវិចិត្រសិល្បៈជាតិប៉ារីស។ |
គំនូរសំពត់នៃង្វៀនធូ (Nguyen Thu) បានមជ្ឈដ្ឋានជំនាញវាយតម្លៃ ជាសិល្បករគូរគំនូរសំពត់មួយរូប ដែលមានរចនាបទពិសេស ដោយឡែក។ ប្រការនេះ បានបង្ហាញតាមរយៈទម្រង់គំនូររបស់លោក មានភាពសាមញ្ញ ស្រទន់ ពណ៌ត្រជាក់ភ្នែក ស្ងប់រម្ងប់។ ជាមួយនឹងតួអង្គជិតស្និទ្ធ សាមញ្ញ ប៉ុន្តែវិចិត្រករ ង្វៀនធូ (Nguyen Thu) បានប្រើជក់ជំនាញដ៏ប៉ិនប្រសប់ ដើម្បីបង្កើតចេញបរិកាលក្នុងសុបិន។ ការសិក្សាច្នៃប្រឌិត បច្ចេកទេសគូរ បានជួយដល់វិចិត្រករ ង្វៀនធូ (Nguyen Thu) មិនត្រឹមតែកាត់បន្ថយបានកង្វះខាតគុណវិបត្តិ នៃវត្ថុធាតុគំនូរសំពត់ នៅទាំងកម្លាយវាទៅជាគុណសម្បត្តិលេចធ្លោ ផ្សេងដោយឡែក មិនអាចរកឃើញនៅលើវត្ថុធាតុណាមួយ។
វិចិត្រករ ង្វៀនធូ (Nguyen Thu) ជាវិចិត្រករម្នាក់ក្នុងចំណោមវិចិត្រករ បានផ្តល់វេលាមួយជីវិត ដើម្បីគូរគំនូរសំពត់ និងបង្កើតអត្តសញ្ញាណដោយឡែក ចំពោះប្រភេទគំនូរនេះ...។ វិចិត្រសិល្បៈ ង្វៀនធូ (Nguyen Thu) រួមនឹងសិស្សជនជាតិកូរ៉េខាងត្បូង នៅបន្ទប់គំនូររបស់ខ្លួន ដាក់នៅសកលវិទ្យាល័យវិចិត្រសិល្បៈហាណូយ។ វិចិត្រករ ង្វៀនធូ (Nguyen Thu) ណែនាំរបៀបគូរពង្រាយគំនូរសំពត់ សម្រាប់និស្សិតការពារថ្នាក់បរិញ្ញាបត្រជាន់ខ្ពស់ នៅសកលវិទ្យាល័យវិចិត្រសិល្បៈហាណូយ។ វិចិត្រករ ង្វៀនធូ (Nguyen Thu) ពង្រាយនូវស្នាដៃគំនូរសំពត់... ... និងធ្វើសម្រេចស្នាដៃគំនូរសំពត់មួយ អំពីប្រធានបទព្រៃភ្នំ។ |
នៅផ្ទះឯកជន ជិតបរិវេណសកលវិទ្យាល័យវិចិត្រសិល្បៈហាណូយ វិចិត្រករ ង្វៀនធូ (Nguyen Thu) ឱ្យយើងខ្ញុំមើលនូវកម្រងស្នាដៃ ដែលបានគូរនៅអំឡុង៥០ឆ្នាំ ប្រកបមុខរបរគំនូរសំពត់ របស់លោក។ តាមសម្តីលោក ចាប់ផ្តើមចេញពីរឿងតូចដោយចៃដន្យ ប៉ន្តែបែរជាបើកចេញសម្រាប់លោកនូវលំហអាកាសមួយថ្មី ក្នុងការសិក្សាស្វែងរកបច្ចេកទេសគូរគំនូរសំពត់ ពីព្រោះចំពោះប្រភេទពិសេសដូចគំនូរសំពត់ បច្ចេកទេសមានតួនាទីដ៏សំខាន់។
វិចិត្រករ ង្វៀនធូ (Nguyen Thu) អតីតនាយកសកលវិទ្យាល័យវិចិត្រសិល្បៈវៀតណាម (១៩៨៥ - ១៩៩១), សមាជិកគណៈប្រតិបត្តិការ នៃសមាគមវិចិត្រសិល្បៈវៀតណាម អាណាត្តទី២ (១៩៨៣ - ១៩៨៩)។ លោកបានរដ្ឋផ្តល់ឋានៈសិក្សាសាស្រ្តាចារ្យរង កិត្តិនាមគ្រូបង្រៀនប្រជាជន។ |
នោះគឺរាត្រីមួយនាឆ្នាំ១៩៧៦ ពេលលោកកំពុងធ្វើសម្រេចគំនូរ “ភូមិក្បែរភ្នំ” មិត្តសម្លាញ់របស់លោក (ក្រោយមក ជាសិល្បករប្រជាជន ក្វាងថ័រ (Quang Tho)) អញ្ជើញមកលេងផ្ទះ។ សំឡឹងមើលឃើញគំនូរ ដែលគូរមិនទាន់រួច ព្យួរនៅលើជញ្ជាំង ក្រោមពន្លឺស្រអាប់នៃអំពូលភ្លើង មិត្តម្នាក់នោះ បានផ្តល់គំនិតថា៖ “គំនូរគូរងាយៗ មើលទៅតម្លៃថោកណាស់...។
សម្តីវាយតម្លៃដោយចិត្តស្មោះរបស់មិត្ត តែជាអ្នកនៅក្រៅវិស័យ បានឥទ្ធិពលខ្លាំងចំពោះលោក។ ក្រោយមក វិចិត្រករ ង្វៀនធូ (Nguyen Thu) បាននាំយកផ្ទាំងគំនូរធ្វើជិតសម្រេចរបស់ខ្លួន ចេញទៅល្អាងទឹកលាងស្អាត ហើយគូរសាឡើងវិញ។ ប្រើជក់តួចបបោសទៅមក នៅលើគំនូរឱ្យជ្រះពណ៌ លោកយកផ្ទាំងគំនូរចូលផ្ទះ ឆ្លុះក្រោមពន្លឺអំពូលភើង។ ក្រោមពន្លឺស្រអាប់ លោកឃើញភ្លាមនូវបាតុភូតមួយដ៏ចំណូលចិត្ត នោះគឺសសៃឆ្នូតបណ្តោយទទឹង នៃវត្ថុធាតុសំពត់ លេចអណ្តែតយ៉ាងច្បាស់។
បន្ទាប់ពីនោះ វិចិត្រករ ង្វៀនធូ (Nguyen Thu) បន្តប្រើគ្រំសែល (វត្ថុធាតុមួយប្រើសម្រាប់គូរគំនូរប្រជាប្រិយដុងហូរ (Dong Ho) នាទិវាបុណ្យចូលឆ្នាំថ្មី) កែសម្រួលរូបភាពភ្នំ ដំបូលផ្ទះ ក្រុមមនុស្ស រួចបន្ថែមគុម្ពឫស្សីជាដើម។ ពេលនេះ ពណ៌ខ្មៅ នៃភ្នំនៅក្នុងផ្ទាំងគំនូរលេចអណ្តែតឡើងយ៉ាងច្បាស់។ ឆ្នាំ១៩៧៩ វិចិត្រករ ង្វៀនធូ (Nguyen Thu) យកផ្ទាំងគំនូរ “ភូមិក្បែរភ្នំ” ចូលរួមតាំងពិព័រណ៍វិចិត្រសិល្បៈអន្តរជាតិថតភាពនៅ Sophia (Bulgaria)។ ស្នាដៃនេះ លោកបានវិចិត្រករបរទេសវាយតម្លៃខ្ពស់។ “ពួកគាត់ឆ្ងល់ គឺវិចិត្រកររូបនេះ បានធ្វើប្រព្រឹត្តិកម្មផ្ទាំងខ្មៅដូចម្តេច ហើយផ្ទាំងគំនូរបែរជាអណ្តែតឡើងសសៃឆ្នូតបណ្តោយទទឹងបានដូចម្តេចន៎... “ វិចិត្រករ ង្វៀនធូ (Nguyen Thu) រលឹកឃើញ។ ឆ្នាំនោះ ផ្ទាំងគំនូររបស់លោក ទទួលបានពានរង្វាន់មាស នៅតាំងពិព័រណ៍នេះ។
ស្នាដៃ “ឧត្តមសេនីយឯក វូ ង្វៀនយ៉ាប (Vo Nguyen Giap)” របស់វិចិត្រករង្វៀនធូ (Nguyen Thu)។ ស្នាដៃគំនូរសំពត់ “ហាងទឹក” របស់វិចិត្រករ ង្វៀនធូ (Nguyen Thu)។ ស្នាដៃគំនូរ “អំពីផ្សារ” របស់វិចិត្រករ ង្វៀនធូ (Nguyen Thu)។ ផ្ទាំងគំនូរសំពត់ “ម្តាយនិងកូន” របស់វិចិត្រករ ង្វៀនធូ (Nguyen Thu)។ ផ្ទាំងគំនូរសំពត់ “រដូវស្លឹកឈើជ្រុះលើភូមិ” របស់វិចិត្រករ ង្វៀនធូ (Nguyen Thu)។ ផ្ទាំងគំនូរសំពត់ “វ័យកុមារ” របស់វិចិត្រករ ង្វៀនធូ (Nguyen Thu)។ ផ្ទាំងគំនូរសំពត់ “ផ្ទះជនជាតិតៃ” របស់វិចិត្រករ ង្វៀនធូ (Nguyen Thu)។ ផ្ទាំងគំនូរសំពត់ “រដូវប្រមូលផល” របស់វិចិត្រករ ង្វៀនធូ (Nguyen Thu)។ |
ជាមួយនឹងវិចិត្រករ ដែលមានអាយុក្នុងមុខរបរ គំនូរសំពត់តែងតែបានវាយតម្លៃ ជាវត្ថុធាតុពិបាកបង្ហាញអារម្មណ៍ និងពិបាកបញ្ចេញស្នាដៃ ក្នុងពេលនិពន្ធ។ ប៉ុន្តែវិចិត្រករ ង្វៀនធូ (Nguyen Thu) បានយកជំនះលើគុណវិបត្តិនៃគំនូរសំពត់ កម្លាយវាទៅជាគុណសម្បត្តិ។ ពិសេស ម្ចាស់ការបច្ចេកទេសគំនូរសំពត់ បានជួយវិចិត្រករ ង្វៀនធូ (Nguyen Thu) បង្ហាញសម្តែងឬ ចង់បញ្ចេញគំនិតតាមចិត្ត នៅលើផ្ទាំងគំនូរ ហើយក្លាយជាវិចិត្រករ ដែលមានរចនាបទដោយឡែកបំផុត ក្នុងប្រភេទគំនូរសំពត់របស់វៀតណាម៕
ស្នាដៃដែលដណ្តើមបានពានរង្វាន់ របស់វិចិត្រករ ង្វៀងធូ (Nguyen Thu)៖ ពានរង្វាន់តាំងពិព័រណ៍វិចិត្រសិល្បៈទូទាំងប្រទេស (រង្វាន់អេឆ្នាំ១៩៨០ រង្វាន់ប៊ីឆ្នាំ១៩៧៦ មេដៃប្រាក់ឆ្នាំ១៩៩០ និងរង្វាន់ស៊ីឆ្នាំ១៩៦០) រង្វាន់ជាផ្លូវការនៅតាំងពិព័រណ៍វិចិត្រសិល្បៈអន្តរជាតិតថភាព សប្តាហ៍អាណាត្តិទី៣ ឆ្នាំ១៩៧៩... |
អត្ថបទ៖ ថាវវី រូបថត៖ ទ្រីញវ៉ាន់ប៊ូ