សហរដ្ឋអាមេរិកគ្រោងនឹងទទួលជនភៀសខ្លួនអ៊ុយក្រែនប្រមាណ​១០ម៉ឺននាក់មកប្រទេសនេះ។ កាយវិកានេះត្រូវបានធ្វើឡើង នៅពេលដែលប្រធានាធិបតីអាមេរិក លោក Joe Biden កំពុងស្ថិតនៅក្នុងទីក្រុង ព្រុចសែល ប្រទេសបែលហ្ស៊ិក ដើម្បីជួប ពិភាក្សាជាមួយថ្នាក់ដឹកនាំអឺរ៉ុប អំពីការឆ្លើយតបរួមគ្នាចំពោះវិបត្តិអ៊ុយក្រែន។ យន្តការ សម្រាប់ការទទួលជនភៀសខ្លួនពីអ៊ុយក្រែនទៅកាន់សហរដ្ឋអាមេរិក អាចតាមរយៈ កម្មវិធីអន្តោប្រវេសន៍របស់សហរដ្ឋអាមេរិក ឬបទបញ្ញត្តិ បណ្តោះអាសន្នតាមគោល នយោបាយមនុស្សធម៌៕