កម្មករកំពុងធ្វើការនៅក្រុមហ៊ុនចំកាត់ NMS ដែលមានដើមទុនវិនិយោគរបស់ជប៉ុន (រូបថត៖ TTXVN)

ក្រុមហ៊ុនជប៉ុននៅវៀតណាម ៥៧% និងសហគ្រាសវៀតណាម ៥៥% នៅឥណ្ឌាបានឲ្យដឹងថា នឹងពង្រីកប្រតិបត្តិការនៅក្នុងប្រទេសសាមី។

នេះជាលទ្ធផលនៃការស្ទង់មតិតាមអ៊ិនធឺរណែត ដែលចុះផ្សាយដោយទីភ្នាក់ងារសារព័ត៌មានក្យូដូនៅថ្ងៃទី ៧ ខែកុម្ភៈ ដោយក្រុមហ៊ុនធនធានមនុស្សជប៉ុន Pasona Group Inc. អនុវត្តនៅខែធ្នូឆ្នាំ ២០២០ សម្រាប់ក្រុមហ៊ុនជប៉ុនដែលកំពុងប្រតិបត្តិការនៅ ១១ ប្រទេស រួមមានអាមេរិក កាណាដា ហុងកុង តៃវ៉ាន់ (ចិន) កូរ៉េខាងត្បូង ថៃ វៀតណាម ម៉ាឡេស៊ី សឹង្ហបុរី ឥណ្ឌូនេស៊ីនិងឥណ្ឌា។

តាមនោះ ចំនួន ៥៧% នៃក្រុមហ៊ុនជប៉ុននៅវៀតណាមនិង ៥៥% នៃសហគ្រាសនៅក្នុងប្រទេសឥណ្ឌាបានឲ្យដឹងថា ពួកគេនឹងពង្រីកប្រតិបត្តិការនៅក្នុងប្រទេសសាមី បើប្រៀបធៀបទៅនឹងកម្រិតមធ្យម ៣៩% នៃ ១១ ប្រទេសនិងតំបន់ដែលត្រូវបានស្ទង់មតិ។

ក្នុងពេលជាមួយគ្នានោះ មានតែក្រុមហ៊ុនជប៉ុនចំនួន ១៣% ប៉ុណ្ណោះនៅហុងកុង (ចិន) មានបំណងពង្រីកអាជីវកម្ម ដែលជាកម្រិតទាបបំផុតក្នុងចំណោមប្រទេសនិងដែនដីដែលបានស្ទង់មតិ។

ក្នុងចំណោមក្រុមហ៊ុនចំនួន ៨១៨ ដែលត្រូវបានស្ទង់មតិនោះ ចំនួន ៦៧% បាននិឲ្យដឹងថា ពួកគេមានផែនការរក្សាទីតាំងនិងប្រតិបត្តិការនាពេលបច្ចុប្បន្ននៅក្នុងប្រទេសនិងតំបន់ចំនួន ១១។
មានចំនួន ២០% មានគម្រោងធ្វើឱ្យប្រសើរឡើងនូវទីតាំងរបស់ពួកគេទៅទីស្នាក់ការកណ្តាលក្នុងតំបន់ ដែលមួយផ្នែកគឺដោយសារតែការលំបាកក្នុងការធ្វើដំណើរអាជីវកម្មទៅនិងមកពីទីស្នាក់ការកណ្តាលក្នុងប្រទេសជប៉ុន ចំពេលដែលមានការរីករាលដាលនៃជំងឺរាតត្បាតកូវីដ ១៩៕

តាម VOV5 - វិទ្យុសំឡេងវៀតណាម