នាព្រឹកថ្ងៃទី៦ ខែមេសា អគ្គទេសាភិបាលអូស្ត្រាលី លោក David Hurley និងភរិយា រួមជាមួយគណៈប្រតិភូជាន់ខ្ពស់អូស្ត្រាលី បានចាកចេញពីទីក្រុងហូជីមិញ បញ្ចប់ប្រកបដោយជោគជ័យនូវដំណើរទស្សនកិច្ចផ្លូវរដ្ឋនៅវៀតណាមចាប់ពីថ្ងៃទី ៣-៦ មេសា។ នេះគឺជាដំណើរទស្សនកិច្ចផ្លូវរដ្ឋលើកដំបូងរបស់ប្រមុខរដ្ឋបរទេសមកវៀតណាមក្នុងឆ្នាំនេះ និងជាភ្ញៀវរដ្ឋដំបូងគេដែលលោកប្រធានរដ្ឋ Vo Van Thuong បានទទួលស្វាគមន៍ក្នុងតំណែងថ្មីរបស់លោក។

ក្នុងដំណើរទស្សនកិច្ចនៅវៀតណាម អគ្គទេសាភិបាលអូស្ត្រាលី លោក David Hurley មានសកម្មភាពសំខាន់ៗជាច្រើនដូចជា៖ ទៅដាក់កម្រងផ្កានៅវិមានវីរៈយុទ្ធជនពលី; ដាក់កម្រងផ្កា និងចូលគោរពវិញ្ញាណក្ខ័ន្ធលោកប្រធានាធិបតីហូជីមិញ; ជួបសន្ទនាជាមួយប្រធានរដ្ឋ លោក Vo Van Thuong; ជួបសម្ដែងការគួរសមជាមួយអគ្គលេខាបក្សលោក Nguyen Phu Trong; ជួបពិភាក្សាជាមួយនាយករដ្ឋមន្ត្រីលោក Pham Minh Chinh និងប្រធានរដ្ឋសភា លោក Vuong Dinh Hue; ទៅសាក់សួរសុខទុក្ខកងកម្លាំងរក្សាសន្តិភាពវៀតណាម និងជួបថ្នាក់ដឹកនាំទីក្រុង ហូជីមិញ ។

នៅក្នុងជំនួបសន្ទនានានារវាងថ្នាក់ដឹកនាំជាន់ខ្ពស់វៀតណាម និងអគ្គទេសាភិបាលអូស្ត្រាលី ភាគីទាំងពីរបានឯកភាពពង្រឹងកិច្ចសហប្រតិបត្តិការទ្វេភាគីលើវិស័យជាច្រើន សហប្រតិបត្តិការក្នុងតំបន់និងពិភពលោក ក្នុងបញ្ហាដូចជា៖ ការផ្លាស់ប្តូរឌីជីថល ការផ្លាស់ប្តូរថាមពល និងការឆ្លើយតបនឹងការប្រែប្រួលអាកាសធាតុ។ វៀតណាមនិងអូស្ត្រាលីបានឯកភាពឆ្ពោះទៅរកការដំឡើងទំនាក់ទំនងភាពជាដៃគូយុទ្ធសាស្ត្ររវាងភាគីទាំងពី ក្លាយទៅជាទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយនៅពេលសមស្រប៕