កាលពីថ្ងៃទី ៣០ ខែតុលា ក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំស្តីពីស្ថានភាពនៅក្នុងប្រទេសម៉ាលី។
កាលពីថ្ងៃទី៣០ ខែតុលា ឆ្នាំ២០២១ ក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំស្តីពីស្ថានភាពនៅក្នុងប្រទេសម៉ាលី ដោយមានការចូលរួមរបស់លោក El-Ghassim Wane តំណាងពិសេសរបស់អគ្គលេខាធិការអង្គការសហប្រជាជាតិទទួលបន្ទុកប្រទេសម៉ាលី។ លោក Wane បានវាយតម្លៃខ្ពស់ចំពោះលទ្ធផលរបស់ក្រុមការងារនៃក្រុមប្រឹក្សាសន្តិសុខ ដែលទៅកាន់ប្រទេសម៉ាលីកាលពីថ្ងៃទី ២៤ ដល់ថ្ងៃទី ២៥ ខែតុលា ក្នុងនោះក្រុមប្រឹក្សាសន្តិសុខបានបង្ហាញពីការគោរព តួនាទីរបស់ស្ថានបេសកកម្មរបស់អង្គការសហប្រជាជាតិនៅប្រទេសម៉ាលី (MINUSMA) ក៏ដូចជាការលះបង់អាយុជីវិតរបស់ទាហាជាច្រើន របស់ស្ថានបេសកកម្មក្នុងរយៈពេល ៨ ឆ្នាំកន្លងទៅ។
ថ្លែងមតិក្នុងជំនួបនេះ លោកទីប្រឹក្សា Phan Ho The Nam អ្នកសម្របសម្រួលនយោបាយនៃស្ថានបេសកកម្មវៀតណាមប្រចាំនៅអង្គការសហប្រជាជាតិបានសម្តែងការព្រួយបារម្ភយ៉ាងជ្រាលជ្រៅចំពោះបញ្ហាប្រឈមអំពីសន្តិសុខ ការអភិវឌ្ឍន៍ និង មនុស្សធម៌ជាច្រើនដែលប្រទេសម៉ាលីត្រូវប្រឈមមុខ; អំពាវនាវឱ្យភាគីនានាពង្រឹងកិច្ចខិតខំប្រឹងប្រែងផ្សះផ្សាជាតិ ទប់ស្កាត់ និងដោះស្រាយការខ្វែងគំនិតគ្នាតាមរយៈការសន្ទនា និងគាំទ្រកិច្ចខិតខំប្រឹងប្រែងរបស់ MINUSMA ក៏ដូចជាអំពាវនាវឱ្យសហគមន៍អន្តរជាតិបន្តគាំទ្រប្រជាជនម៉ាលី ដែលរួមមានការដោះស្រាយបញ្ហាប្រឈមមនុស្សធម៌ផងដែរ៕
តាម VOV5 - វិទ្យុសំឡេងវៀតណាម
