ប្រធានរដ្ឋវៀតណាម លោក Tran Dai Quang អញ្ជើញទទួលជួបជាមួយលោក Masagos Zulkifli រដ្ឋមន្ត្រីក្រសួងបរិស្ថាននិងធនធានទឹកសិង្ហបុរី (រូបថតៈ Nhan Sáng-TTXVN)
នារសៀលថ្ងៃទី២៤ ខែមេសា ឆ្នាំ២០១៧ នៅទីក្រុងហាណូយ ប្រធានរដ្ឋវៀតណាម លោក Tran Dai Quang បានអញ្ជើញទទួលជួប ជាមួយលោក Masagos Zulkifli រដ្ឋមន្ត្រីក្រសួងបរិស្ថាននិងធនធានទឹកសិង្ហបុរី ដែលកំពុងបំពេញទស្សនកិច្ចការងារ នៅវៀតណាម។ នៅក្នុងជំនួបនេះ លោក Tran Dai Quang បានអះអាងថា សិង្ហបុរីជានិច្ចកាលជាដៃគូរយុទ្ធសាស្ត្រ របស់វៀតណាម។លោកប្រធានរដ្ឋវៀតណាមគូស បញ្ជាក់ថាកិច្ចការពារបរិស្ថានជាបញ្ហាចំបាច់ តាមនោះ វៀតណាមបន្តប្រមូលផ្តុំ អភិវឌ្ឍន៍សេដ្ឋកិច្ចសង្គម ប៉ុន្តែតាមទិសអភិវឌ្ឍន៍ប្រកបដោយនិរន្តរភាព និងយកចិត្តទុកដាក់កត្តាការពារបរិស្ថាន។
រីឯខ្លួនវិញ រដ្ឋមន្ត្រី Masagos Zulkifli បានវាយតម្លៃថាបច្ចុប្បន្ន វៀតណាមកំពុងមានការអភិវឌ្ឍន៍គួរឲ្យកត់សម្គាល់ ជាទីមកដល់សម្រាប់វិនិយោគិន ភ្ញៀវទេសចរអន្តរជាតិ ក្នុងនោះមានសិង្ហបុរីផង។ លោករូបនេះបានស្នើថា នៅក្នុង សន្និសីទអន្តរជាតិស្តីពីបរិស្ថានដែលរៀបចំឡើងនៅប្រទេស Kenya នាចុងឆ្នាំ ២០១៧នេះ វៀតណាមនិងប្រទេសអាស៊ាននានា ក៏គប្បីសម្តែងនូវទស្សនៈ របស់អាស៊ានអំពីបញ្ហាបរិស្ថានផងដែរ៕
តាម VOV5 - វិទ្យុសំឡេងវៀតណាម
