អនុរដ្ឋមន្ត្រីក្រសួងសុខាភិបាល លោក Tran Van Thuan ថ្លែងក្នុងសន្និសីទ។ រូបថត៖ Doan Si/VOV-TPHCM

ថ្លែងមតិក្នុងសន្និសីទ អនុរដ្ឋមន្ត្រីក្រសួងសុខាភិបាល លោក Tran Van Thuan បានសង្កត់ធ្ងន់ថា វៀតណាមមានលក្ខខណ្ឌទាំងអស់ដើម្បីក្លាយជាគោលដៅទាក់ទាញសម្រាប់ទេសចរណ៍វេជ្ជសាស្រ្ត ជាមួយនឹងប្រព័ន្ធមន្ទីរពេទ្យ និងបរិក្ខារពេទ្យទំនើបៗ។ អនុរដ្ឋមន្ត្រីលោក Tran Van Thuan បានសង្កត់ធ្ងន់ថា៖

“ប្រព័ន្ធគោលនយោបាយ និងច្បាប់ចាំបាច់ត្រូវកែលម្អ រួមទាំងយន្តការទិដ្ឋាការវេជ្ជសាស្រ្ត ការលើកទឹកចិត្តដល់ភាពជាដៃគូសាធារណៈ និងឯកជនដែលអាចបត់បែនបាន និងកៀរគរការចូលរួមយ៉ាងខ្លាំងក្លាពីវិស័យឯកជនស្របតាមស្មារតីនៃសេចក្តីសម្រេចចិត្តលេខ ៦៨ នៃការិយាល័យនយោបាយ។ យុទ្ធសាស្ត្រផ្សព្វផ្សាយប្រកបដោយព្រមៗគ្នា និងទំនើប ដែលត្រូវបានផ្សារភ្ជាប់ជាមួយនឹងការកសាងម៉ាកសញ្ញាជាតិសម្រាប់ទេសចរណ៍វេជ្ជសាស្រ្ត ក៏ត្រូវតែអនុវត្តយ៉ាងខ្លាំងក្លាផងដែរ ដើម្បីឱ្យប្រទេសវៀតណាមត្រូវបានទទួលស្គាល់យ៉ាងទូលំទូលាយនៅលើផែនទីទេសចរណ៍វេជ្ជសាស្រ្ត-ទេសចរ ណ៍ ពិភពលោក”។

យោងតាមរបាយការណ៍ ទីផ្សារទេសចរណ៍វេជ្ជសាស្រ្តពិភពលោកកាលពីឆ្នាំមុនបានឈានដល់ ១០០ ពាន់លានដុល្លារអាមេរិក ជាមួយនឹងអត្រាកំណើនប្រចាំឆ្នាំពី ១៥ ទៅ ២៥%។ តួលេខទាំងនេះបង្ហាញពីសក្ដានុពលដ៏ធំធេងរបស់វៀតណាម និងជាកន្លែងសម្រាប់របកគំហើញដ៏រឹងមាំនៅក្នុងវិស័យនេះ៕