ក្នុងក្របខ័ណ្ឌនៃដំណើរទស្សនកិច្ចនេះ គណៈប្រតិភូបានជួបពិភាក្សាការងារជាមួយក្រសួងយុត្តិធម៌អ៊ីតាលី ក្រុមប្រឹក្សាយុត្តិធម៌ជាតិអ៊ីតាលី ក្រុមប្រឹក្សាប្រថាប់ត្រាជាតិអ៊ីតាលី ទីស្នាក់ការកណ្តាលនៃមជ្ឈមណ្ឌលមជ្ឈត្តកម្មអន្តរជាតិ (ICA) នៅទីក្រុងរ៉ូម សាកលវិទ្យាល័យ Sapienza នៅទីក្រុងរ៉ូម និងស្ថានទូតវៀតណាមប្រចាំនៅអ៊ីតាលី។
ក្នុងជំនួបពិភាក្សាការងារជាមួយក្រសួងយុត្តិធម៌អ៊ីតាលី ភាគីទាំងពីរបានពិនិត្យដំណើរការកិច្ចសហប្រតិបត្តិការក្នុងវិស័យយុត្តិធម៌ និងច្បាប់ ជាពិសេស ចាប់តាំងពីការចុះហត្ថលេខាលើអនុស្សរណៈយោគយល់គ្នាស្តីពីកិច្ចសហប្រតិបត្តិការ កាលពីថ្ងៃទី២៧ ខែតុលា ឆ្នាំ២០១៦ រវាងក្រសួងយុត្តិធម៌នៃប្រទេសទាំងពីរ។
ក្នុងដំណើរទស្សនកិច្ចនេះ គណៈប្រតិភូក៏បានទៅទស្សនា និងជួបធ្វើការជាមួយ ICA នៅទីក្រុងរ៉ូម និងស្ថានទូតវៀតណាមប្រចាំនៅអ៊ីតាលី។ ប្រធាន ICA នៅទីក្រុងរ៉ូម - សាស្ត្រាចារ្យ Giovanni Giangreco Marotta ក៏បានចែករំលែកបទពិសោធន៍ក្នុងការដោះស្រាយវិវាទ តាមរយៈមជ្ឈត្តកម្មអន្តរជាតិ ក៏ដូចជាបទពិសោធន៍ក្នុងការបណ្តុះបណ្តាល និងការកសាងក្រុមមជ្ឈត្តកម្មអន្តរជាតិផងដែរ។ អនុរដ្ឋមន្ត្រីលោក Phan Chi Hieu បានអះអាងនូវឧត្តមភាពនៃវិធីសាស្ត្រដោះស្រាយវិវាទតាមរយៈមជ្ឈត្តកម្មអន្តរជាតិ ហើយសង្ឃឹមថា ICA នឹងជួយពិគ្រោះយោបល់ខាងវិជ្ជាជីវៈ ដល់ភាគីវៀតណាមក្នុងពេលឆាប់ៗនេះ៕
