“សេចក្តីសម្រេចចិត្តលេខ៦៨ របស់ការិយាល័យនយោបាយ ស្តីពីការអភិវឌ្ឍសេដ្ឋកិច្ចឯកជន គឺជាកម្លាំងចលករដ៏ធំធេងរបស់ប្រទេសជាតិ ហើយប្រជាជនមានការពេញចិត្តយ៉ាងខ្លាំង អាចធ្វើអ្វីៗ ដែលច្បាប់អនុញ្ញាត។ ខណៈដែលសេចក្តីសម្រេចចិត្តលេខ ៦៨ ចេញជាធរមាន យើងសង្ឃឹមថា នឹងមានការផ្លាស់ប្តូរ ជាពិសេសលើនីតិវិធីរដ្ឋបាលសាធារណៈ ដើម្បីធ្វើឲ្យដំណើរការទាំងនោះកាន់តែលឿន និងឧបត្ថម្ភសេដ្ឋកិច្ចឯកជនអភិវឌ្ឍប្រកបដោយនិរន្តរភាព”។
យោងតាមអ្នកជំនាញ សេចក្តីសម្រេចចិត្តលេខ ៦៨ គឺជាកម្លាំងចលករសម្រាប់ការអភិវឌ្ឍសេដ្ឋកិច្ចពហុសមាសភាព ដែលសហគ្រាសឯកជនដើរតួយ៉ាងសំខាន់។ សាស្ត្រាចារ្យរង បណ្ឌិត Pham The Anh សកលវិទ្យាល័យសេដ្ឋកិច្ចជាតិបានវិភាគថា៖ “ធនធានវិនិយោគរយៈពេលវែងត្រូវតែមកពីវិស័យឯកជន មិនមែនវិស័យសាធារណៈទេហើយយើងមិនមានធនធាន ហិរញ្ញវត្ថុគ្រប់គ្រាន់ដើម្បីបន្តអនុវត្តគម្រោងសំខាន់ៗធំៗនោះដែរ។ ដំបូងឡើយ យើងអនុវត្តគម្រោងវិនិយោគសាធារណៈធំៗ ប៉ុន្តែគោលដៅចុងក្រោយគឺទាក់ទាញការវិនិយោគឯកជន និងធនធានសេដ្ឋកិច្ច ដែលបន្ទាប់មកនឹងបង្កើតចំណូលថវិកា បង្កើតហេដ្ឋារចនាសម្ព័ន្ធសម្រាប់សេដ្ឋកិច្ច និងជំរុញការអភិវឌ្ឍសេដ្ឋកិច្ចប្រកបដោយនិរន្តរភាពក្នុងរយៈពេលវែង”។
អ្នកជំនាញ និងធុរកិច្ចជាច្រើនអះអាងថា សេចក្តីសម្រេចចិត្តលេខ ៦៨ ពិតជានឹងបង្កើតកម្លាំងចលករសម្រាប់សហគ្រាសឯកជន ក្នុងការឈានទៅមុខ រួមជាមួយនឹងវិស័យសេដ្ឋកិច្ចផ្សេងទៀត ដើម្បីកសាងសេដ្ឋកិច្ច វៀតណាមឯករាជ្យ ស្វ័យភាព និងពឹងផ្អែកលើខ្លួនឯង ផ្សារភ្ជាប់ជាមួយនឹងសមាហរណកម្មអន្តរជាតិដ៏ស៊ីជម្រៅ ជាក់ស្តែង និងមានប្រសិទ្ធភាព នាំប្រទេសជាតិឆ្ពោះទៅរកការអភិវឌ្ឍន៍វិបុលភាព៕
