ក្រោយរយៈពេល ៤ ថ្ងៃនៃសកម្មភាពពិសេសជាបន្តបន្ទាប់នោះ នៅថ្ងៃទី ១៧ ខែមេសា សប្តាហ៍ទេសចរណ៍ Lai Chau ឆ្នាំ ២០២២ ត្រូវបានបិទបញ្ចប់។ ព្រឹត្តិការណ៍នេះបានរួមចំណែកផ្សព្វផ្សាយយ៉ាងខ្លាំងក្លានូវសក្ដានុពលទេសចរណ៍ Lai Chau ទៅកាន់មិត្តភក្តិទាំងជាតិនិងអន្តរជាតិ និងបញ្ជាក់ពីកិត្យានុភាព រូបភាព និងពាណិជ្ជសញ្ញាទេសចរណ៍ Lai Chau នៅលើផែនទីទេសចរណ៍វៀតណាម។

សប្តាហ៍ទេសចរណ៍ - វប្បធម៌ Lai Chau  ឆ្នាំ ២០២២ រួមមានសកម្មភាពសំខាន់ៗដែលប្រព្រឹត្តទៅនៅទីក្រុង Lai Chau ដូចជាពិធីបើកជាមួយប្រធានបទ "ការវិលត្រឡប់ទៅកាន់កំពូលភ្នំ Lai Chau ដ៏អស្ចារ្យ" និងក្បួនដង្ហែតាមដងផ្លូវ Carnaval; តាំងបង្ហាញវប្បធម៌ ទេសចរណ៍ និងកសិកម្ម។ នៅតាមតំបន់ជាច្រើន សកម្មភាពជាបន្តបន្ទាប់បានប្រព្រឹត្តទៅដោយប្រមូលផ្តុំនៅស្រុក Tam Duong, Phong Tho, Than Uyen, Tan Uyen និងទីក្រុង Lai Chau ជាមួយនឹងខ្លឹមសារសម្បូរបែប ទាក់ទាញនិងគួរអោយចាប់អារម្មណ៍សម្រាប់ភ្ញៀវទេសចរណ៍។

ក្នុងឱកាសនេះ គណៈកម្មាធិការប្រជាជនខេត្ត Lai Chau បានប្រគល់ប័ណ្ណសរសើរដល់សមូហភាពនិងបុគ្គលជិត ១០០ នាក់ដែលមានសមិទ្ធិផលក្នុងការរៀបចំសកម្មភាពក្នុងសប្តាហ៍ទេសចរណ៍-វប្បធម៌ Lai Chau ឆ្នាំ ២០២២៕