យោងតាមតួរលេខរបស់អគ្គនាយកដ្ឋានស្ថិតិ (ក្រសួងផែនការ និងវិនិយោគ) បានឲ្យដឹងថា សន្ទស្សន៍ផលិតកម្មឧស្សាហកម្ម (IIP) របស់វៀតណាមក្នុងខែមេសាត្រូវបានប៉ាន់ប្រមាណថាកើនឡើង ០,៨% បើធៀបនឹងខែមីនា និងកើនឡើង ៦,៣% បើធៀបនឹងរយៈពេលដូចគ្នាកាលពីឆ្នាំមុន។ ជាទូទៅ ក្នុងរយៈពេល ៤ ខែដើមឆ្នាំនេះ IIP កើនឡើង ៦% ពោលគឺមានភាពប្រសើរឡើងគួរឱ្យកត់សម្គាល់បើប្រៀបធៀបទៅនឹងការថយចុះ ២,៥% ក្នុងរយៈពេលដូចគ្នាកាលពីឆ្នាំមុន។ ក្នុងនោះ វិស័យកែច្នៃ និងផលិតកម្មបានកើនឡើង ៦,៣% រួមចំណែក ៥,៥ ភាគរយចំពោះកំណើនរួម។ ផលិតកម្មឧស្សាហកម្មបានរក្សាសន្ទុះងើបឡើងវិញក្នុង ឆ្នាំ ២០២៣ រួមចំណែកគួរឲ្យកត់សម្គាល់ទៅក្នុងកំណើន ១៥% នៃការនាំចេញក្នុងរយៈពេល ៤ កន្លងទៅ។
តាមនោះ ផលិតផលឧស្សាហកម្មស្រូបយកជាង ៨៧% នៃតម្លៃប្រាក់នាំចេញសរុបចំនួន ១២៣,៦៤ ពាន់លានដុល្លារអាមេរិក។ អតិរេកពាណិជ្ជកម្មក៏បានកើនឡើងដល់ ៨,៤ ពាន់លានដុល្លារអាមេរិក បើធៀបនឹងតួរលេខ ៧,៦៦ ពាន់លានដុល្លារអាមេរិកក្នុងរយៈពេលដូចគ្នាកាលពីឆ្នាំមុន។
