ក្នុងឱកាសដែលប្រធានរដ្ឋសភាវៀតណាមនីតិកាល ទី ១៤ លោក Vuong Dinh Hue ត្រូវបានជ្រើសតាំងជាប្រធានរដ្ឋសភា នីតិកាលទី ១៥ នៅថ្ងៃទី ២០ ខែកក្កដាឆ្នាំ ២០២១ លោក Li Zhanshu ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន បានផ្ញើសារអបអរសាទរ។

ប្រធានរដ្ឋសភាលោក Vuong Dinh Hue (រូបថត៖ TTXVN)

នៅក្នុងសារអបអរសាទរ លោក Li Zhanshu ប្រធានសភាតំណាងប្រជាជនទូទាំងប្រទេស ចិនបានសង្កត់ធ្ងន់ថា នាពេលបច្ចុប្បន្ននេះ ទំនាក់ទំនងចិន - វៀតណាមកំពុងមានស្ថេរភាព ហើយការផ្លាស់ប្តូរនិងកិច្ចសហប្រតិបត្តិការរវាងសភាប្រជាជនចិននិងរដ្ឋសភា វៀតណាមកាន់តែស៊ីជម្រៅពីមួយថ្ងៃ ទៅមួយថ្ងៃ។ ប្រធានសភាតំណាងប្រជាជនទូទាំងប្រទេសចិន លោក Li Zhanshu បានអះអាងនូវឆន្ទៈត្រៀមខ្លួនជាស្រេចធ្វើការជាមួយប្រធានរដ្ឋសភាលោក Vuong Dinh Hue ដោយអនុវត្តន៍តាមការយល់ឃើញរួមរវាងថ្នាក់ដឹកនាំជាន់ខ្ពស់នៃបក្សទាំងពីរនៃប្រទេសទាំងពីរ ជំរុញការផ្លាស់ប្តូរនិងកិច្ចសហប្រតិបត្តិការរវាងស្ថាប័ននីតិប្បញ្ញត្តិនៃប្រទេសទាំងពីរ ដើម្បីចូលរួមចំណែកលើកកម្ពស់ភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយចិន - វៀតណាម មានការអភិវឌ្ឍឥតឈប់ឈរនៅក្នុងយុគសម័យថ្មី៕

តាម VOV5 - វិទ្យុសម្លេងវៀតណាម