បងប្អូននារីជាង ១.០០០ នាក់បានឆ្លើយតបជាមួយសកម្មភាពនេះ។ ចូលរួមក្នុងការសម្តែងសម្លៀកបំពាក់អាវផាយប្រពៃណី អ្នកស្រី Vu Thi Thuy អ្នកស្រុក Gia Lam បានចែករំលែកថា៖ “ខ្ញុំចូលចិត្តពាក់អាវផាយក្នុងថ្ងៃបុណ្យ និងថ្ងៃសំខាន់ៗក្នុងឆ្នាំ ខ្ញុំតែងតែពាក់អាវផាយ។ រាល់ពេលស្លៀកពាក់អាវផាយ ខ្ញុំ ឃើញនារីវៀតណាមសុភាព ស្លូតបូតណាស់។ ពេលខ្ញុំចូលរួមជាមួយបងប្អូនស្រីក្នុងការរាំរបាំប្រជាប្រិយដើម្បីបង្ហាញពីអាវផាយដ៏ស្រស់ស្អាត ខ្ញុំមានអារម្មណ៍ថា មានកិត្តិយស ជក់ចិត្តនិងសប្បាយចិត្តខ្លាំងណាស់”។
នាយប់មិញផងដែរ នៅទីក្រុង Da Nang សម្ព័ន្ធសមាគមនារី Da Nang បានរៀបចំកម្មវិធី “អាវផាយ - អត្តសញ្ញាណវប្បធម៌វៀតណាម”។ កម្មវិធីបានបើកដោយការសម្តែងអាវផាយរបស់បវរកញ្ញាវៀតណាមឆ្នាំ ២០២២ Huynh Thi Thanh Thuy។ បន្ទាប់មកគឺកម្មវិធីសម្តែងសិល្បៈនិងការសម្តែងកីឡាដោយសមាជិកនារីចំនួន ៣០០ នាក់ក្នុងសំលៀកបំពាក់ប្រពៃណីរបស់នារីវៀតណាម។
នៅខេត្ត Hai Duong សម្ព័ន្ធសមាគមនារីខេត្ត Hai Duong រៀបចំកម្មវិធី “ស្ត្រី Hai Duong - ស្រស់ស្អាតក្នុងសម្លៀកបំពាក់អាវផាយ”។ ទស្សនិកជនបានទស្សនា ឈុតសុម្លៀកបំពាក់របស់អ្នករចនាជាច្រើននៅទីក្រុងហាណូយ និងទីក្រុង Hai Duong ដែល តាមរយៈការសម្តែងរបស់តារាបង្ហាញម៉ូតមិនជំនាញជាង ១០០នាក់៕
