ព័ត៌មាន
នាយករដ្ឋមន្រ្តីលោក Nguyen Xuan Phuc ទទួលជួបសន្ទនាជាមួយទីប្រឹក្សាពិសេសគណៈរដ្ឋមន្រ្តីរដ្ឋាភិបាលជប៉ុន
នាយករដ្ឋមន្រ្តីវៀតណាមលោក Nguyen Xuan Phuc (ខាងស្ដាំ)និងលោក Isao Iijima
ទីប្រឹក្សាពិសេសគណៈរដ្ឋមន្រ្តីរដ្ឋាភិបាលជប៉ុន
នារសៀលថ្ងៃទី៩ ខែធ្នូ ឆ្នាំ២០១៦ នៅរដ្ឋធានីហាណូយ នាយករដ្ឋមន្រ្តីវៀតណាមលោក Nguyen Xuan Phuc បានអញ្ជើញទទួលជួបសន្ទនាជាមួយលោក Isao Iijima ទីប្រឹក្សាពិសេសគណៈរដ្ឋមន្រ្តីរដ្ឋាភិបាលជប៉ុន។ នៅទីនេះ លោក Nguyen Xuan Phuc បានស្នើឲ្យប្រទេសទាំងពីរបន្តបង្កើនការជឿទុកចិត្តគ្នាខាង នយោបាយតាមរយៈដំណើរទស្សនកិច្ចនិងជំនួបប្រាស្រ័យជាន់ខ្ពស់ ជំរុញកិច្ចសហប្រតិបតិ្តការសេដ្ឋកិច្ចរវាងប្រទេសទាំងពីរ បង្កើនទំហំពាណិជ្ជកម្មនិងវិនិយោគ ហើយជំរុញសហគ្រាសជប៉ុនបណ្ដាក់ទុននៅវៀតណាម។ លោកនាយក រដ្ឋមន្រ្តីមានគោលបំណងថា ជប៉ុនបង្កើនការនាំចូលមុខទំនិញកសិផលរបស់វៀតណាម ក៏ដូចជាជំរុញកិច្ចសហប្រតិបតិ្តការលើវិស័យដែលប្រទេសទាំងពីរមានសក្ដានុភាពជាច្រើនដូចជាកសិកម្ម ពលកម្ម វប្បធម៌និងទេសចរណ៍ផងដែរ។
រីឯខ្លួនវិញ លោក Isao Iijima មានគោលបំណងថា វៀតណាមជានិច្ចកាលបង្កលក្ខណៈសំរាប់សហគ្រាសជប៉ុនមកធ្វើអាជីវកម្មយ៉ាងងាយស្រួលនៅវៀតណាម៕
តាម VOV5-វិទ្យុសម្លេងវៀតណាម
