• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាម និងឈីលី លើកកម្ពស់ទំនាក់ទំនងទៅជាភាពជាដៃគូយុទ្ធសាស្ត្រ

នៅរសៀលថ្ងៃទី១៦ ខែវិច្ឆិកា នៅរដ្ឋសភា (ទីក្រុងហាណូយ) អគ្គលេខាបក្ស ប្រធានរដ្ឋវៀតណាម លោក តូ ឡឹម និងភរិយា បានធ្វើជាអធិបតីក្នុងពិធីទទួលបដិសណ្ឋារកិច្ចដ៏ឧឡារិកចំពោះប្រធានាធិបតីនៃសាធារណរដ្ឋឈីលី លោក ចូសេ អាន់តូនីញ៉ូ កាស (Jose Antonio Kast) និងភរិយា ដែលកំពុងអញ្ជើញធ្វើទស្សនកិច្ចជាផ្លូវការ នៅវៀតណាម។

អគ្គលេខាបក្ស ប្រធានរដ្ឋវៀតណាម លោក តូ ឡឹម អញ្ជើញធ្វើជាអធិបតីក្នុងពិធីទទួលបដិសណ្ឋារកិច្ចដ៏ឧឡារិកចំពោះប្រធានាធិបតីនៃសាធារណរដ្ឋឈីលី លោក ចូសេ អាន់តូនីញ៉ូ កាស។ (រូបថត៖ VNA)

ក្នុងជំនួបពិភាក្សាការងារបន្ទាប់ពីពិធីបដិសណ្ឋារកិច្ច អគ្គលេខាបក្ស ប្រធានរដ្ឋ លោក តូ ឡឹម និងប្រធានាធិបតីលោក ចូសេ អាន់តូនីញ៉ូ កាស បានឯកភាពគ្នាវាយតម្លៃថា ទំនាក់ទំនងវៀតណាម-ឈីលីបានបំពេញលក្ខខណ្ឌគ្រប់គ្រាន់ដើម្បីឈានទៅដល់កម្រិតថ្មីនៃការអភិវឌ្ឍ ជាមួយនឹងការជឿទុកចិត្តខាងនយោបាយខ្ពស់ជាងមុន កិច្ចសហប្រតិបត្តិការទូលំទូលាយ និងជាក់ស្តែងជាងមុន។ អគ្គលេខាបក្ស ប្រធានរដ្ឋ លោក តូ ឡឹម និងប្រធានាធិបតីលោក ចូសេ អាន់តូនីញ៉ូ កាស បានសម្រេចចិត្តលើកកម្ពស់ទំនាក់ទំនងវៀតណាម-ឈីលីទៅជាភាពជាដៃគូយុទ្ធសាស្ត្រ ព្រមទាំងឯកភាពបង្កើតផែនការសកម្មភាពមួយក្នុងពេលឆាប់ៗនេះ ដើម្បីអនុវត្តន៍ប្រកបដោយប្រសិទ្ធភាពនូវសសរស្តម្ភសំខាន់ៗទាំងប្រាំមួយនៅក្នុងក្របខ័ណ្ឌថ្មី។

ថ្នាក់ដឹកនាំទាំងពីរមុនពូលចូលកិច្ចពិភាក្សាការងារ។ (រូបថត៖ VNA)

មេដឹកនាំទាំងពីរបានឯកភាពគ្នាពង្រីកកិច្ចសហប្រតិបត្តិការក្នុងវិស័យដែលមានសក្តានុពលដូចជា កសិកម្ម ការពារជាតិ សន្តិសុខ រ៉ែសំខាន់ៗ ហិរញ្ញវត្ថុ-ធនាគារ សេដ្ឋកិច្ចសមុទ្រ ការដឹកជញ្ជូន វប្បធម៌ ទេសចរណ៍ អប់រំ និងការផ្លាស់ប្ដូរប្រជាជនជាមួយប្រជាជន។ អគ្គលេខាបក្ស ប្រធានរដ្ឋលោក តូ ឡឹម បានស្នើឱ្យភាគីទាំងពីរជំរុញការស្រាវជ្រាវ ការផ្ទេរបច្ចេកវិទ្យា និងការចែករំលែកបទពិសោធន៍គ្រប់គ្រងក្នុងវិស័យធ្វើអាជីវកម្មរ៉ែឆ្លាតវៃ ការកែច្នៃរ៉ែយ៉ាងស៊ីជម្រៅដែលមិនប៉ះពាល់ដល់បរិស្ថាន បច្ចេកវិទ្យាផលិត និងផ្ទុកអ៊ីដ្រូសែនបៃតង និងការអភិវឌ្ឍថាមពលព្រះអាទិត្យ និងវាយោអគ្គិសនី។

ទាក់ទងនឹងបញ្ហាតំបន់ និងអន្តរជាតិ ភាគីទាំងពីរបានបញ្ជាក់ជាថ្មីអំពីសារៈសំខាន់នៃការរក្សាភាពជាសកល និងបូរណភាពនៃអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ដោយសង្កត់ធ្ងន់លើការដោះស្រាយជម្លោះដែនសមុទ្រដោយសន្តិវិធី ស្របតាមច្បាប់អន្តរជាតិ ជាពិសេសធម្មនុញ្ញអង្គការសហប្រជាជាតិ។ មេដឹកនាំទាំងពីរបានឯកភាពគ្នាពង្រឹងការសម្របសម្រួលនៅអង្គការសហប្រជាជាតិ និងអង្គការ វេទិកាពហុភាគីផ្សេងទៀត។

នៅរសៀលថ្ងៃដដែល នៅអគាររដ្ឋសភា ប្រធានាធិបតីឈីលី លោក ចូសេ អាន់តូនីញ៉ូ កាស បានជួបសវនាការជាមួយប្រធានរដ្ឋសភាវៀតណាមលោក ជិន ថាញ់មិន ផងដែរ៕

តាម​ vovworld.vn/km-KH/

លោក​អគ្គលេបក្ស ប្រធានរដ្ឋ តូ ឡឹម បញ្ចប់ប្រកបដោយជោគជ័យ​នូវសកម្មភាពក្នុង​កិច្ចប្រជុំកំពូលហ្វ្រង់កូហ្វូនីលើកទី ២០

លោក​អគ្គលេបក្ស ប្រធានរដ្ឋ តូ ឡឹម បញ្ចប់ប្រកបដោយជោគជ័យ​នូវសកម្មភាពក្នុង​កិច្ចប្រជុំកំពូលហ្វ្រង់កូហ្វូនីលើកទី ២០

នាសៀលថ្ងៃទី ១៦ ខែវិច្ឆិកា អគ្គលេបក្ស ប្រធានរដ្ឋវៀតណាម លោក តូ ឡឹម និងគណៈប្រតិភូជាន់ខ្ពស់វៀតណាម បានចាកចេញពីទីក្រុងភ្នំពេញ កម្ពុជា ដោយបញ្ចប់ប្រកបដោយ​ជោគជ័យ​នូវសកម្មភាព​ក្នុងក្របខ័ណ្ឌនៃកិច្ចប្រជុំកំពូលហ្វ្រង់កូហ្វូនី លើកទី ២០ ដែលបាន​ប្រព្រឹត្តទៅចាប់ពីថ្ងៃទី ១៤-១៦ ខែវិច្ឆិកា តប​តាមការអញ្ជើញរបស់ព្រះមហាក្សត្រ​កម្ពុជា នរោត្តម សីហមុនី។

Top