ទីក្រុងហូជីមិញសុំអោយអាមេរិកជួយឧបត្ថម្ភអភិវឌ្ឍន៍ទីក្រុងឆ្លាត
លេខាគណៈកម្មាធិការបក្សទីក្រុងហូជីមិញ លោក Nguyen Thien Nhan នាថ្ងៃទី១៨ ខែតុលា ឆ្នាំ២០១៧ បានមានជំនួបសន្ទនា ជាមួយគណៈប្រតិភូគណៈកម្មាធិការកិច្ចការបរទេស នៃរដ្ឋសភាអាមេរិក ដឹកនាំដោយលោកTed Yoho ប្រធានអនុគណៈកម្មការអាស៊ី-ប៉ាស៊ីហ្វីក។ នៅទីនេះ លោក Nguyen Thien Nhan បានអោយដឹងថា៖ អាមេរិកជាវិនិយោគិនផ្ទាល់ពីបរទេសធំទី១០ នៅទីក្រុងហូជីមិញ ដោយមានគំរោងការណ៍ចំនួន៣៥០ ទុនវិនិយោគចំនួនជាង៦៤០លានដុល្លារអាមេរិក។ លេខាគណៈកម្មាធិការបក្សទីក្រុង មានគោលបំណងថា រដ្ឋាភិបាល និងសហគ្រាសអាមេរិក បន្តសហប្រតិបត្តិការ ជួយឧបត្ថម្ភទីក្រុងអភិវឌ្ឍន៍ទីក្រុងឆ្លាត។ ទន្ទឹមនឹងនោះ លោកក៏បានបង្ហាញជំនឿជាក់ថា៖លោក Ted Yoho នឹងបន្តយកចិត្តទុកដាក់ គាំទ្រវៀតណាម និងជំរុញបណ្ដាសកម្មភាពជាក់ស្ដែង សំដៅជំរុញទំនាក់ទំនងដៃគូលើគ្រប់វិស័យ វៀតណាម-អាមេរិក ដែលក្នុងនោះមានទីក្រុងហូជីមិញ-អាមេរិក៕
តាម VOV5 - វិទ្យុសម្លេងវៀតណាម
