នាថ្ងៃទី២៥ ខែតុលា ឆ្នាំ២០១៨ នៅទីក្រុងបែរឡាំង គណៈកម្មាធិការសមាគមប្រជាជាតិ អាស៊ីអាគ្នេយ៍ ប្រចាំក្រុងបែរឡាំង (BAC) បានប្រារព្ធទិវាអាស៊ាន។ ថ្លែងនៅពិធីនេះ ឯកអគ្គរដ្ឋទូតវៀតណាម ប្រចាំនៅអាល្លឺម៉ង់លោក Doan Xuan Hung ប្រធានគណៈកម្មាធិការអាស៊ានប្រចាំទីក្រុងប៊ែរឡាំង បានរំលឹកឡើងវិញនូវសមិទ្ធផលរបស់អាស៊ាន ក្នុងរយៈពេលកន្លះសតវត្សរ៍កន្លងមក ដែលនាំអាស៊ាន ក្លាយទៅជាសហគមន៍សាមគ្គី រឹងមាំ និងមានឋានៈកាន់តែខ្ពស់ទាំងក្នុងតំបន់និងលើពិភពលោក។
ឯកអគ្គរដ្ឋទូតវៀតណាមលោក Doan Xuan Hung បានស្នើដល់អាល្លឺម៉ង់សម្រេចការផ្តល់សច្ចាប័ន និងការចុះហត្ថលេខាលើកិច្ចព្រមព្រៀងពាណិជ្ជកម្មសេរីវៀតណាម - EU (EVFTA) យ៉ាងឆាប់ៗ និងអនុវត្តប្រកបដោយប្រសិទ្ធភាពកិច្ចព្រមព្រៀងពាណិជ្ជ កម្មសេរីសិង្ហបុរី - សហភាពអឺរ៉ុប (EUSTA) ផងដែរ។
នៅចុងបញ្ចប់នៃពិធីនេះ ភ្ញៀវកិត្តយសត្រូវបានអញ្ជើញទស្សនា នូវម្ហូបអាហារក៏ដូចជាការសម្តែងសិល្បៈ របស់បណ្តាប្រទេសជាសមាជិកអាស៊ាន៕
តាម VOV5 - វិទ្យុសំឡេងវៀតណាម
