ក្នុងជំនួបជាមួយថ្នាក់ដឹកនាំជាន់ខ្ពស់របស់ឡាវ លោករដ្ឋមន្ត្រី To Lam បានសង្កត់ធ្ងន់ថា ក្រសួងនគរបាលទាំងពីរ បន្តសហការគ្នាយ៉ាងជិតស្និទ្ធ និងជូនដំណឹងដល់គ្នាទៅវិញទៅមកទាន់ពេលវេលា រួមទាំងសហការប្រកបដោយប្រសិទ្ធភាព ក្នុងការប្រយុទ្ធប្រឆាំងនឹងឧក្រិដ្ឋកម្មឆ្លង ដែនគ្រប់ប្រភេទ ដោយប្តេជ្ញាមិនអនុញ្ញាតឱ្យអង្គការ ឬ បុគ្គលឆ្លៀតយកប្រយោជន៍ពីទឹកដីនៃប្រទេសមួយដើម្បីប្រឆាំងនឹងប្រទេសមួយទៀត។
ក្នុងពិធីទទួលទាំងនោះ ថ្នាក់ដឹកនាំជាន់ខ្ពស់ឡាវសង្ឃឹមថា កិច្ចសហប្រតិបត្តិការរវាងក្រសួងនគរបាលឡាវ និងក្រសួងនគរបាលវៀតណាមនឹងបន្តអភិវឌ្ឍន៍កាន់តែស៊ីជម្រៅ បម្រើភារកិច្ចអភិវឌ្ឍន៍សេដ្ឋកិច្ចសង្គម និងកិច្ចការបរទេសនៃប្រទេសនីមួយៗ។
មុននោះ នាថ្ងៃដដែល គណៈប្រតិភូជាន់ខ្ពស់នៃក្រសួងនគរបាលវៀតណាមដឹកនាំដោយលោករដ្ឋមន្ត្រី To Lam បានជួបពិភាក្សាជាមួយគណៈប្រតិភូជាន់ខ្ពស់ក្រសួងនគរបាលឡាវ ដឹកនាំដោយឧបនាយករដ្ឋមន្ត្រី និងជារដ្ឋមន្ត្រី Vilay Lakhamphong។
នៅរសៀលថ្ងៃដដែល នៅរដ្ឋធានីវៀងច័ន្ទ ប្រទេសឡាវ លោករដ្ឋមន្ត្រី To Lam បានចូលរួមពិធីសម្ពោធបណ្ឌិត្យសភានយោបាយនគរបាលឡាវ។ នេះជាអំណោយរបស់បក្ស រដ្ឋាភិបាល និងក្រសួងនគរបាលវៀតណាម ជូនចំពោះក្រសួងនគរបាលឡាវផងដែរ៕
